ក្រុមហ៊ុន Credit Suisse Group AG បាននិយាយនៅថ្ងៃព្រហស្បតិ៍ទី១៦ខែមីនានេះថា ខ្លួនមានបំណងខ្ចីប្រាក់រហូតដល់ទៅ៥០ពាន់លានហ្វ្រង់ស្វីស (៥៤ពាន់លានដុល្លារ) ពីធនាគារជាតិស្វីស (SNB) នៅក្នុងអ្វីដែលគេហៅថា “សកម្មភាពមិនរារែក ដើម្បីបង្កើនសាច់ប្រាក់ងាយស្រួលរបស់ខ្លួន”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងដែលបានគ្រោងទុកនេះ កើតឡើងបន្ទាប់ពីនិយតករស្វ៊ីស សន្យាផ្តល់សាច់ប្រាក់ងាយស្រួលដល់ធនាគារ Credit Suisse ក្នុងទង្វើមិនធ្លាប់មានពីមុនមកដោយធនាគារកណ្តាល បន្ទាប់ពីភាគហ៊ុនរបស់អ្នកផ្តល់ប្រាក់កម្ចីស្វ៊ីស ធ្លាក់ចុះដល់ទៅ៣០ភាគរយកាលពីថ្ងៃពុធទី១៥ខែមីនា។

ដោយយោងទៅលើការខ្ចីប្រាក់ដែលបានគ្រោងទុក ធនាគារនេះនិយាយថា “សាច់ប្រាក់ងាយស្រួលបន្ថែមនេះ នឹងគាំទ្រដល់អាជីវកម្មស្នូល និងអតិថិជនរបស់ធនាគារ Credit Suisse”។

ភាគហ៊ុនរបស់ធនាគារ Credit Suisse បានបាត់បង់ច្រើនជាងមួយភាគបួននៃតម្លៃរបស់ពួកគេកាលពីថ្ងៃពុធទី១៥ខែមីនា ពោលគឺបានឈានដល់កម្រិតទាបបំផុត បន្ទាប់ពីម្ចាស់ភាគហ៊ុនធំជាងគេរបស់ធនាគារស្វីសមួយនេះ គឺធនាគារជាតិអារ៉ាប៊ីសាអូឌីត បានប្រាប់សារព័ត៌មានថា ខ្លួននឹងមិនបញ្ចូលលុយបន្ថែមទៀតទៅក្នុងធនាគារនេះទេ។

រឿងនេះ បានបង្កឲ្យមានការភ័យខ្លាចថ្មីទៀត អំពីស្ថានភាពរបស់ស្ថាប័នហិរញ្ញវត្ថុ បន្ទាប់ពីការដួលរលំធនាគារ Silicon Valley និង Signature Bank នៅសហរដ្ឋអាមេរិក៕

ប្រែសម្រួល៖ Vann Vann

ប្រភព៖ CNA

ចុចអាន៖ ធនាគារមួយនៅប្រទេសស្វ៊ីស ក៏កំពុងដាំក្បាលចុះដែរ!