សេដ្ឋកិច្ច
របាយការណ៍ស្ទង់មតិ៖ ឥណ្ឌា និងអាស៊ាន ក្លាយជាទីសក្តានុពលផ្នែកខ្សែសង្វាក់ផ្គត់ផ្គង់ពីអ្នកជំនួញពិភពលោក
របាយការណ៍ស្ទង់មតិរបស់ក្រុមហ៊ុនសេវាកម្ម PwC ដែលចេញផ្សាយនាថ្ងៃព្រហស្បតិ៍នេះ បានបង្ហាញថា ឥណ្ឌា និងអាស៊ាន កាន់តែក្លាយជាទីដៅសក្តានុពលផ្នែកខ្សែសង្វាក់ផ្គត់ផ្គង់ជំនួស ក្នុងក្រសែរភ្នែកមេដឹកនាំអាជីវកម្មសកល ស្របពេលដែលទំនាក់ទំនងពាណិជ្ជកម្មរវាងប្រទេសចិន និងសហរដ្ឋអាមេរិកកាន់តែយ៉ាប់យ៉ឺន។ នេះបើតាមការស្រង់ទិន្នន័យរបស់កាសែត Nikkei Asia ។
ការស្ទង់មតិនេះ ធ្វើឡើងដោយស្រង់ទិន្នន័យឆ្លើយតបពីនាយកប្រតិបត្តិជាន់ខ្ពស់របស់ក្រុមហ៊ុនអាជីវកម្មផ្សេងៗគ្នាចំនួន ១៥០ នាក់នៅទូទាំងអាស៊ី អឺរ៉ុប និងអាមេរិកខាងជើង ក្នុងចន្លោះខែធ្នូ ចុងឆ្នាំមុន និងខែមករា ឆ្នាំនេះ។
ការស្ទង់មតិបង្ហាញថា ក្នុងរយៈពេលមួយទសវត្សរ៍ខាងមុខ ឥណ្ឌានឹងក្លាយជាតំណភ្ជាប់ដ៏សំខាន់បំផុតទី៣ នៅក្នុងខ្សែសង្វាក់ផ្គត់ផ្គង់របស់ក្រុមហ៊ុននានា ដោយកើនពីលេខ ៤។ អាស៊ីអាគ្នេយ៍វិញ ក៏នឹងឡើង១លេខដូចគ្នា ដោយនឹងឈរនៅលំដាប់ទី ៥ សម្រាប់ខ្សែសង្វាក់ផ្គត់ផ្គង់។ ផ្ទុយទៅវិញ អាល្លឺម៉ង់ នឹងធ្លាក់ចុះទៅលេខ ៤ ហើយជប៉ុនទៅលេខ ៦។
របាយការណ៍ស្ទង់មតិនិយាយថា អាស៊ីអាគ្នេយ៍នឹងទទួលបានអត្ថប្រយោជន៍ច្រើនបំផុតពីការផ្លាស់ប្ដូរទីតាំងវិស័យផលិតគ្រឿងអេឡិចត្រូនិក ខណៈប្រទេសឥណ្ឌាវិញនឹងចំណេញក្នុងវិស័យផលិតគ្រឿងអេឡិចត្រូនិក និងផ្នែកឱសថ និងឧបករណ៍វេជ្ជសាស្ត្រ។
ទោះយ៉ាងណាក៏ដោយ របាយការណ៍និយាយថា ទោះបីជា ឥណ្ឌា និងអាស៊ាន កាន់តែទាក់ទាញក្ដី មេដឹកនាំអាជីវកម្មទាំងនោះនឹងមិនផ្តាច់ខ្លួនចេញពីមហាអំណាចអាមេរិក និងចិន នាពេលឆាប់ៗនោះទេ។ របាយការណ៍បន្តថា៖ «ទោះជាយ៉ាងណាក៏ដោយ ការស្ទង់មតិសកលរបស់យើងអំពីអ្នកដឹកនាំអាជីវកម្មបង្ហាញថា ប្រទេសចិនទំនងនៅតែរក្សាតួនាទីដ៏សំខាន់ក្នុងខ្សែសង្វាក់ផ្គត់ផ្គង់ពិភពលោក»។
គួរគូសបញ្ជាក់ថា អាស៊ីខាងត្បូង និងអាស៊ាន គឺជាបណ្ដុំប្រទេសដែលមានចំនួនប្រជាជនដ៏ច្រើន និងសេដ្ឋកិច្ចដែលកំពុងរីកចម្រើន ដែលអាចផ្តល់ឱកាសរកប្រាក់បានច្រើនដល់ក្រុមហ៊ុនពហុជាតិផ្សេងៗ ដែលចូលទៅវិនិយោគ។ ឥណ្ឌាមានប្រជាជនជាង ១,៤ ប៊ីលាននាក់ ខណៈអាស៊ីអាគ្នេយ៍មានជាង ៦៥០ លាននាក់៕
-
ព័ត៌មានជាតិ១ សប្តាហ៍ ago
ស្ថានភាពធាតុអាកាសនៅកម្ពុជា ចាប់ថ្ងៃទី២ ដល់ថ្ងៃទី៤ ខែឧសភា ឆ្នាំ២០២៤
-
សេដ្ឋកិច្ច៣ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៤ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
ព័ត៌មានជាតិ១ សប្តាហ៍ ago
ប្រភពមន្រ្តីព្រលាន៖ មានភ្ញៀវជិះពេញ សម្ពោធជើងហោះហើររបស់ Air Asia Cambodia ទៅសៀមរាប
-
ព័ត៌មានជាតិ៧ ថ្ងៃ ago
សម្ដេចតេជោ ចោទសួរទៅកាន់វិទ្យុមួយថា តើល្ងង់មែនទេ ដែលវាយប្រហារភរិយាសម្ដេចធិបតី?
-
ជីវិតកម្សាន្ដ១ សប្តាហ៍ ago
តារាចម្រៀងហុងកុង Steven Cheung ធ្លាក់ខ្លួនខ្លាំង សូម្បីលុយបង់ភ្លើងក៏គ្មានផង
-
ព័ត៌មានអន្ដរជាតិ១ សប្តាហ៍ ago
ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង
-
ជីវិតកម្សាន្ដ៤ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV