សេដ្ឋកិច្ច
ប្រជាជនវៀតណាមសម្រុកដាក់ពាក្យធ្វើការនៅកូរ៉េខាងត្បូង ដោយកើនលើសកូតាដល់ទៅជិត៣ដង
មជ្ឈមណ្ឌលការងារនៅបរទេសរបស់ប្រទេសវៀតណាម បានឱ្យដឹងថា ប្រជាជនវៀតណាមប្រហែល ៤៥ ០០០ នាក់ បានដាក់ពាក្យទៅធ្វើការនៅប្រទេសកូរ៉េខាងត្បូង ដោយចំនួននេះកើនឡើងលើសកូតាគ្រោងទុក (១៥ ៤០០ នាក់) រហូតដល់ទៅជិត ៣ ដង។ នេះបើតាមការចុះផ្សាយរបស់កាសែត VnExpress។
មជ្ឈមណ្ឌលបានរាយការណ៍ថា ចំនួនអ្នកដាក់ពាក្យសុំគិតត្រឹមថ្ងៃទី ១៤ ខែឧសភា ឆ្នាំនេះ មានចំនួនខ្ពស់បំផុតដែលមិនធ្លាប់មានក្នុងរយៈពេល ២០ ឆ្នាំ ដែលរដ្ឋាភិបាលដាក់ចេញនូវប្រព័ន្ធអនុញ្ញាតការងារ (EPS) មកនេះ។
ជាធម្មតា អ្នកដាក់ពាក្យ ត្រូវឆ្លងកាត់ការប្រឡងសមត្ថភាពភាសាកូរ៉េ ហើយការប្រឡងឆ្នាំនេះ ត្រូវបានរៀបចំឡើងនៅទីតាំងចំនួន ៤ (ក្រុងហាណូយ ថាញហូវ ដាណាង និងហូជីមិញ) និងបន្តរហូតដល់ខែមិថុនា។
បេក្ខជនប្រឡងជាង ៣៦ ៣០០ នាក់ បានចុះឈ្មោះទៅធ្វើការក្នុងវិស័យផលិតកម្ម ដែលស្មើនឹងជាង ៨០ ភាគរយនៃបេក្ខជនសរុប ខណៈដែលវិស័យនេះ ជ្រើសរើសពលករត្រឹមតែ ១១ ២០០ នាក់ប៉ុណ្ណេះ។
ក្នុងចំណោមអ្នកដែលចុះឈ្មោះធ្វើការងារផ្នែកកសិកម្ម វារីវប្បកម្ម និងសំណង់ មានតែបេក្ខជន ៥៨ ភាគរយប៉ុណ្ណេះ ដែលបានប្រឡងជាប់ភាសាកូរ៉េ។ ប៉ុន្តែបេក្ខជនប្រឡងជំនាញរហូតដល់ទៅ ៩០ ភាគរយ បានជាប់ការប្រឡង។
គួរគូសបញ្ជាក់ថា វៀតណាមបានបញ្ជូនពលករប្រហែល ១២៧ ០០០ នាក់ ឱ្យទៅធ្វើការនៅប្រទេសកូរ៉េខាងត្បូង ក្រោមកម្មវិធី EPS ដែលបានចាប់ផ្តើមក្នុងឆ្នាំ ២០០៤។ គិតត្រឹមខែតុលា ឆ្នាំ ២០២៣ ពលករវៀតណាមជាង ៣៦ ០០០ នាក់ កំពុងស្ថិតនៅក្នុងប្រទេសកូរ៉េខាងត្បូង ដោយក្នុងនោះមាន ១០ ០០០ នាក់ ពោលគឺជិត ១/៣ កំពុងស្នាក់នៅដោយខុសច្បាប់៕
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ