សេដ្ឋកិច្ច
ចិនអាចប្រើច្រកម៉ិកស៊ិក ដើម្បីបង្ហូររថយន្តអគ្គិសនីថោកៗរបស់ខ្លួន ចូលក្នុងទីផ្សារអាមេរិក
ក្នុងសេណារីយ៉ូដែលបង្កការព្រួយបារម្ភដល់វិស័យរថយន្តអាមេរិក ចិនអាចប្រើច្រកព្រំដែនម៉ិកស៊ិកដើម្បីបង្ហូររថយន្តអគ្គិសនី(EV)លក់ក្នុងតម្លៃថោកៗជាងគូប្រជែងរបស់ខ្លួន ចូលទៅក្នុងទីផ្សារសហរដ្ឋអាមេរិកនាពេលអនាគត។ នេះបើតាមសំណេរវិភាគរបស់ទីភ្នាក់ងារសារព័ត៌មាន AP។
ក្រោយពេលរថយន្ត EV របស់ចិនដាក់លក់នៅទូទាំងប្រទេស រថយន្ត EV ក្នុងស្រុករបស់អាមេរិក ដែលលក់ក្នុងតម្លៃជាមធ្យម ៥៥ ០០០ ដុល្លារ ពោលគឺប្រហែលទ្វេដងនៃតម្លៃ EV ចិន ពិបាកក្នុងការប្រកួតប្រជែង។ បញ្ហានេះបង្កជាបិទរោងចក្រ ហើយកម្មករបាត់បង់ការងារនៅទូទាំងតំបន់បេះដូងឧស្សាហកម្មរបស់អាមេរិក។
សំណេររបស់ AP បន្តថា នៅទីបំផុត វានឹងបង្ហាញពីការណ៍ក្នុងទម្រង់ដដែលៗ ដែលការប្រកួតប្រជែងរបស់ក្រុមហ៊ុនចិនក្រោមការឧបត្ថម្ភធនរបស់រដ្ឋាភិបាល ធ្វើឱ្យឧស្សាហកម្មអាមេរិកទ្រុធទ្រោម ក្នុងរយៈពេលប៉ុន្មានឆ្នាំចុងក្រោយនេះ ខណៈរថយន្តអគ្គិសនីរំពឹងថាជាស្នូលនៃអាជីវកម្មរបស់អាមេរិកក្នុងទសវត្សរ៍ខាងមុខ ស្របពេលដែលពិភពលោកងាក់ចេញកាន់តែខ្លាំងពីឥន្ធនៈហ្វូស៊ីល។
កន្លងមក សម្ព័ន្ធសម្រាប់ផលិតកម្មអាមេរិក បានព្រមានថា រថយន្ត EV តម្លៃថោកៗរបស់ចិន អាចបង្កជា «ព្រឹត្តិការណ៍កម្រិតផុតពូជ» ចំពោះឧស្សាហកម្មរថយន្តរបស់អាមេរិក។
បញ្ហាគួរឱ្យព្រួយបារម្ភគឺថា កិច្ចព្រមព្រៀងអាមេរិក-ម៉ិកស៊ិក-កាណាដាឆ្នាំ ២០២០ នឹងអនុញ្ញាតឱ្យរថយន្តចិនដែលដំឡើងនៅម៉ិកស៊ិក ចូលទៅក្នុងសហរដ្ឋអាមេរិកដោយមិនមានពន្ធ ឬក្នុងអត្រាពន្ធបន្ទាប់បន្សំ ២,៥ ភាគរយ។ មិនថាយ៉ាងណាក៏ដោយ លក្ខណៈអំណោយផលបែបនេះ អាចឱ្យចិនលក់រថយន្ត EV របស់ខ្លួនបានយ៉ាងល្អ ក្រោមតម្លៃលក់ធម្មតារបស់ផលិតផលនៅសហរដ្ឋអាមេរិក។
យ៉ាងណាមិញ ក៏មានសេណារីយ៉ូសម្រាប់ការទប់ស្កាត់ជាជម្រើសសម្រាប់អាមេរិកផងដែរ។ AP បានសរសេរថា មន្ត្រីគយអាមេរិកអាចកំណត់ថា រថយន្ត EV ចិនមិនមានលក្ខណៈគ្រប់គ្រាន់ ដើម្បីទទួលបានអត្ថប្រយោជន៍នៃការបង់ពន្ធទាប ឬគ្មានពន្ធ ទោះបីជាផលិតនៅម៉ិកស៊ិកក៏ដោយ។
ជម្រើសមួយទៀត អ្នកបង្កើតគោលនយោបាយអាមេរិក អាចបន្តដាក់សម្ពាធលើម៉ិកស៊ិក កុំឱ្យក្រុមហ៊ុនចិនដាក់រោងចក្រក្នុងប្រទេសរបស់ខ្លួន។ លើសពីនេះ អាមេរិក ដែលទើបប្រកាសពន្ធ ១០០ ភាគរយលើ EV ចិន អាចហាមឃាត់ការលក់ EV ចិនក្នុងទីផ្សាររបស់ខ្លួនដោយផ្ទាល់ក្នុងហេតុផលផ្សេងៗ រួមមានទាំងលេសគំរាមកំហែងដល់សន្តិសុខជាតិរបស់អាមេរិកជាដើម៕
ព្រឹត្តិការណ៍ទិវារត់ប្រណាំងអន្តរជាតិពាក់កណ្តាលម៉ារ៉ាតុងធ្វើឡើងដើម្បីអបអរសាទរព្រះរាជពិធីបុណ្យ ចម្រើនព្រះជន្មសម្តេចព្រះមហាក្សត្រី
លោក ហ៊ុន ម៉ានី៖ យើងមិនអាចនៅស្ងៀមចំពោះការប្រមាថដែលមិនសមរម្យមកលើជាតិសាសន៍យើងឡើយ
សមាគមសិល្បករខ្មែរ ស្ញប់ស្ញែងនូវទឹកចិត្តប្រពៃអ្នកសិល្ប:ដែលព្រមរួមសហការក្នុងស្មារតី «សាមគ្គីដើម្បីកម្ពុជា»
ប្រុងប្រយ័ត្ន! ស្រី្តជនជាតិដើមភាគតិចត្រូវបានពស់វែកចឹកបណ្តាលឱ្យដើរមិនរួច នារដូវវស្សា
មនុស្ស ០៥ នាក់ រងរបួសធ្ងន់-ស្រាល ក្នុងហេតុការណ៍គ្រោះថ្នាក់ក្រឡាប់រថយន្ត នៅខណ្ឌព្រែកព្នៅ
រយៈពេលមិនដល់១២ម៉ោងកម្ពុជាទះថៃ៣កំផ្លៀង
Breaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
មហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
សម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន
មេឆ្មាំបដិវត្តអ៊ីរ៉ង់និងមេទ័ពកំពូលៗច្រើននាក់ ស្លាប់ក្នុងការវាយប្រហាររបស់អ៊ីស្រាអែល
-
ព័ត៌មានជាតិ៥ ថ្ងៃ agoនៅពេលលឺថាថៃចង់ប្រើទ័ពការពារអធិបតេយ្យភាពខ្លួន អតីតប្រមុខការទូតកម្ពុជាសួរថា តើអធិបតេយ្យភាពថៃនៅឯណា?
-
សន្តិសុខសង្គម៦ ថ្ងៃ agoច្រករបៀងមួយចំនួនក្នុងភូមិសាស្ត្រខេត្តបាត់ដំបង បានបិទបណ្ដោះអាសន្ន
-
នយោបាយ៦ ម៉ោង agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ២ ថ្ងៃ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
ព័ត៌មានអន្ដរជាតិ១៣ ម៉ោង agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានជាតិ១ សប្តាហ៍ agoក្រុមប្រឹក្សាសន្ដិសុខធ្លាប់ព្រមានដកថៃចេញពីអង្គការសហប្រជាជាតិក្រោយពីមិនទទួលស្គាល់សេចក្ដីសម្រេចរបស់ ICJ
-
ព័ត៌មានអន្ដរជាតិ៣ ថ្ងៃ agoសហព័ន្ធឧស្សាហកម្មថៃ៖ ការបិទព្រំដែនជាមួយកម្ពុជា ប៉ះពាល់ដល់ការនាំចេញថៃ ៥,២ ប៊ីលានដុល្លារ
-
ព័ត៌មានជាតិ៣ ថ្ងៃ agoកម្ពុជា នឹងទទួលរងឥទ្ធិពលព្យុះទី១ ចាប់ពីថ្ងៃនេះ ដល់ថ្ងៃទី១៣មិថុនា