ព័ត៌មានអន្ដរជាតិ

ថៃ៖ ការនាំចេញអង្ករនឹងធ្លាក់ចុះឆ្នាំនេះ ខណៈការប្រកួតប្រជែងកើន

បានផុស

២ ខែ មុន

នៅ

ថ្ងៃសៅរ៍ ១ កុម្ភៈ ២០២៥

ដោយ

រដ្ឋាភិបាលថៃរំពឹងថា ការនាំចេញអង្កររបស់ប្រទេសខ្លួននឹងធ្លាក់ចុះខ្លាំងនៅឆ្នាំ ២០២៥ នេះ ចំពេលដែលការប្រកួតប្រជែងលើការផ្គត់ផ្គង់ជាសកលកាន់តែកើនឡើង។ នេះបើតាមការចុះផ្សាយរបស់កាសែតបាងកកប៉ុស្តិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរងរដ្ឋាភិបាលថៃ លោក Anukool Pruksanusak ឥណ្ឌាបានបញ្ចប់ការហាមឃាត់របស់ខ្លួនលើការនាំចេញអង្ករ ខណៈផលិតកម្មបានកើនឡើងទាំងក្នុងប្រទេសនាំចេញ និងនាំចូល ចំពេលដែលការរំខានដោយគ្រោះរាំងស្ងួតក៏ថយចុះ។

លោកបានបន្តថា ឥណ្ឌូណេស៊ីដែលជាប្រទេសនាំចូលដ៏សំខាន់មួយ អាចនឹងកាត់បន្ថយការនាំចូលអង្ករ ខណៈផលិតកម្មក្នុងស្រុករបស់ប្រទេសនេះកើនឡើង ហើយស្បៀងក្នុងស្តុកទុកនៅតែមានច្រើន។

ថៃបាននាំចេញអង្ករប្រមាណ ៩,៩៥ លានតោន នៅឆ្នាំ ២០២៤ ដោយកើនលើសគោលដៅស្ទើរតែ ១ លានតោន ជាមួយនឹងចំណូលប្រមាណ ៦,៤៣ ប៊ីលានដុល្លារ។ ការនាំចេញបានកើនឡើង ១៣ ភាគរយ បើគិតពីបរិមាណ និង ២៧ ភាគរយ បើគិតពីតម្លៃ។

យោងតាមលោក Anukool ទំហំនៃការនាំចេញប្រចាំឆ្នាំ ២០២៤ គឺខ្ពស់បំផុតក្នុងរយៈពេល៦ឆ្នាំ ដែលបណ្តាលមកពីការធ្លាក់ចុះនៃផលិតកម្មស្រូវជាសកល និងការខិតខំប្រឹងប្រែងរបស់ប្រទេសអតិថិជនដើម្បីពង្រឹងសន្តិសុខស្បៀង។

យ៉ាងណាមិញ លក្ខខណ្ឌបែបនេះនឹងផ្លាស់ប្តូរនៅឆ្នាំ ២០២៥ ដោយការនាំចេញសរុបអាចធ្លាក់ចុះរហូតដល់ ៧,៥ លានតោន ដោយសារតែកំណើនផលិតកម្ម ខណៈតម្រូវការធ្លាក់ចុះ៕