ព័ត៌មានអន្ដរជាតិ

ការនាំចេញទុរេនទៅចិនរបស់វៀតណាម ធ្លាក់ចុះ ៨០ ភាគរយ

បានផុស

១ year មុន

នៅ

ថ្ងៃសុក្រ ២១ កុម្ភៈ ២០២៥

ដោយ

ក្រសួងកសិកម្ម និងអភិវឌ្ឍន៍ជនបទវៀតណាម (MARD) បានឱ្យដឹងថា ការនាំចេញទុរេនរបស់វៀតណាមទៅកាន់ប្រទេសចិន បានធ្លាក់ចុះ ៨០ ភាគរយ នៅពាក់កណ្ដាលដំបូងនៃខែកុម្ភៈ ឆ្នាំ ២០២៥ ដោយការនាំចេញមានត្រឹមតែ ៣ ៥០០ តោន ប៉ុណ្ណោះ។ នេះបើតាមការចុះផ្សាយរបស់កាសែត VnExpress កាលពីថ្ងៃព្រហស្បតិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួងលើកឡើងថា មូលហេតុចម្បងនៅពីក្រោយការធ្លាក់ចុះនៃការនាំចេញ គឺវិធានការត្រួតពិនិត្យដ៏តឹងរ៉ឹងរបស់ចិនលើផ្លែទុរេននាំចូល ជាពិសេសទាក់ទងត្រួតពិនិត្យរកសំណល់សារធាតុគីមី Auramine O (Basic Yellow 2 – BY2) ដែលអាចបង្កជំងឺមហារីក។ បទប្បញ្ញត្តិកាន់តែតឹងរ៉ឹងរបស់ចិន ត្រូវបានអនុវត្តក្រោយអាជ្ញាធររកឃើញសារធាតុគីមីនោះនៅក្នុងទុរេនរបស់ថៃ។

ចាប់ពីដើមឆ្នាំ ២០២៥ មក ចិនតម្រូវឱ្យធ្វើតេស្តទុរេននាំចូលទាំងអស់នៅក្នុងមន្ទីរពិសោធន៍ដែលមានការបញ្ជាក់ ដែលបណ្តាលឱ្យមានការពន្យារពេលក្នុងការនាំចេញ។ ការពន្យារនេះ បានរំខានដល់កាលវិភាគដឹកជញ្ជូន និងបង្កើតការកកស្ទះនៅច្រកព្រំដែន ហើយខ្លះត្រូវបង្វែរមកលក់ក្នុងស្រុកវិញក្នុងតម្លៃថោកៗដើម្បីស្រង់ដើម។

អ្នកសង្កេតការណ៍មើលឃើញថា ការរឹតត្បឹតរបស់ចិនមិនត្រឹមតែធ្វើឱ្យការនាំចេញធ្លាក់ចុះទេ ប៉ុន្តែថ្ងៃខ្លះគឺគ្មានការដឹកជញ្ជូនតែម្ដង។

បើតាម VnExpress រដ្ឋាភិបាលវៀតណាមក៏កំពុងចរចាជាមួយប្រទេសចិន ដើម្បីស្ដារឡើងវិញនូវបទប្បញ្ញត្តិនាំចេញពីមុន សំដៅសម្រួលនីតិវិធីអធិការកិច្ច និងសម្រួលដល់ការបោសសម្អាតគយកាន់តែរលូន។ លើសពីនេះ ក្រុមហ៊ុននាំចេញមួយចំនួន កំពុងស្វែងរកទីផ្សារជំនួស ដើម្បីកាត់បន្ថយការពឹងផ្អែកខ្លាំងលើប្រទេសចិន ដោយធានានូវយុទ្ធសាស្ត្រនាំចេញដែលមានស្ថិរភាព និងចម្រុះជាងមុនសម្រាប់ទុរេនរបស់វៀតណាម៕

ព័ត៌មានអន្ដរជាតិ២៣ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា