សេដ្ឋកិច្ច
ទិន្នផលទុរេននៅស្រុកស្រែអំបិល កើនឡើង ៥០ ភាគរយ ត្រៀមប្រមូលនាំចេញទៅបណ្ដាខេត្តផ្សេងៗ
ប្រជាកសិកររស់នៅក្នុងឃុំដងពែង ស្រុកស្រែអំបិល ខេត្តកោះកុង បានបង្ហាញថា បរិមាណផលទុរេនរបស់ពួកគាត់កើនឡើង ៥០ ភាគរយ សម្រាប់ឆ្នាំនេះ ដោយមានឈ្នួញកណ្តាលកក់ទិញជាបណ្តើរៗ នាំចេញទៅបណ្តាខេត្តផ្សេងៗ។
លោក ហៃ គៀក តំណាងកសិករដាំផ្លែទុរេននៅឃុំដងពែង បានឱ្យដឹងកាលពីរសៀលថ្ងៃទី ២៨ ខែមេសា ឆ្នាំ ២០២៥ ថា លោកមានផ្ទៃដី ១ ហិតា បង្កបង្កើនផលទុរេនប្រភេទម៉ាន់ថង ព្រោះវាលក់ថ្លៃជាងប្រភេទទុរេនផ្សេងៗ ទៀត ប៉ុន្តែទោះយ៉ាងណា ទិន្នផលហុចផលឱ្យច្រើនលុះត្រាមានការយកចិត្តទុកដាក់ថែទាំខ្លាំងទើបបានផលច្រើនទៅតាមនោះដែរ។
លោក ហៃ គៀក បានបន្តថា ឆ្នាំនេះលោកទទួលបានទិន្នផលទុរេនជិត ៥០ ភាគរយ ស្មើនឹង ១២១ ដើម ធៀបនឹងឆ្នាំទៅកើនឡើងគួរឱ្យកត់សម្គាល់ ហើយឥឡូវប្រមូលលក់នៅថ្ងៃទី ១៥ ខែឧសភា ខាងមុខ ដោយឈ្នួញកក់ទិញជាបណ្តើរៗ ហើយ ដែលនាំចេញទៅរាជធានីភ្នំពេញ ខេត្តស្វាយរៀង និងខេត្តព្រះសីហនុ។ ក្នុង ១ ថ្ងៃកាត់ទុរេនពី ៣០០ ទៅ ៥០០ គីឡូក្រាម តាមភ្ញៀវបញ្ជាទិញ។ ជាក់ស្តែងឆ្នាំនេះ លោកប្រមូលផលជាឆ្នាំទី ២ ហើយ។
កញ្ញា ម៉ូវ ឡេង ជាលក់ទុរេនតាមដងផ្លូវជាតិលេខ ៤៨ លើកឡើងថា ទិន្នផលទុរេនរបស់កញ្ញាហុចផលច្រើនគួរសម ដោយកំពុងប្រមូលជាបណ្តើរៗ ជូនពលរដ្ឋ និងភ្ញៀវទេសចរដែលធ្វើដំណើរឆ្លងកាត់ផ្លូវជាតិលេខ ៤៨។ តម្លៃទុរេនដែលលក់រាយពេលសព្វថ្ងៃនេះ ១ គីឡូក្រាម ថ្លៃ ៣០ ០០០ រៀល ប្រភេទម៉ាន់ថង ប៉ុន្តែលក់បោះដុំតម្លៃផ្សេង។
ទាក់ទិនការប្រមូលផលទុរេននេះដែរ លោក ជា ច័ន្ទកញ្ញា អភិបាលស្រុកស្រែអំបិល ក៏បានសម្តែងការអបអរសាទរពេលដែលឃើញកសិករក្នុងមូលដ្ឋានរបស់លោកទទួលបានទិន្នផលទុរេនច្រើនជាងឆ្នាំទៅ ដោយលោកជំរុញឱ្យមន្ត្រីកសិកម្មបង្កើនការអប់រំផ្នែកបច្ចេកទេស ដោយឡែកកសិករបន្តសកម្មភាពដំណាំទុរេន ឬដំណាំផ្សេងៗ ឱ្យបានកាន់តែច្រើន ដើម្បីលើកកម្ពស់ផលិតផលកសិកម្ម និងស្វែងរកប្រាក់ចំណូលសម្រាប់ជីវភាពនាពេលបច្ចុប្បន្ន។
លោក លាស់ ប៉ូលីវ៉ាន់ ប្រធានការិយាល័យកសិកម្មស្រុកស្រែអំបិល បានប៉ាន់ស្មានជាបឋមថា ផ្ទៃដីដែលដំណាំផ្លែទុរេននៅក្នុងស្រុករបស់លោកមានជាង ៣០០ ហិតា ដោយឃុំដងពែង មានប្រជាពលរដ្ឋធ្វើកសិកម្មនេះច្រើនជាងគេ បន្ទាប់មកឃុំបឹងព្រាវ។
លោក លាស់ ប៉ូលីវ៉ាន់ បន្តថា ទិន្នផលទុរេនដែលប្រជាកសិករនៅស្រុកស្រែអំបិល កំពុងប្រមូលផលមានជាប្រភេទពូជម៉ាន់ថង និងប្រភេទសូនី។ ក្រៅពីទិន្នផលទុរេន ពលរដ្ឋក៏ប្រមូលផ្លែសាវម៉ាវ និងមង្ឃុត ដែលជាដំណាំបន្ទាប់បន្សំ៕
អត្ថបទ ៖ សិរីវឌ្ឍនៈ
ផលិតផលកសិកម្ម៥មុខនៅខេត្តកែប កំពុងកែច្នៃវេចខ្ចប់នាំចេញទៅទីផ្សារក្នុងស្រុក និងក្រៅប្រទេស
រដ្ឋមន្ត្រីក្រសួងសាធារណការជំរុញឱ្យប្រធានមន្ទីរតែងតាំងថ្មីបង្កើនការច្នៃប្រឌិតលើការងារផ្តល់សេវានិ
ឆ្លងចរន្តផ្ទុះឆាបឆេះបង្គោលភ្លើង២ដើម ផ្អើលពលរដ្ឋលើផ្លូវកែវចិន្តា
ក្រសួងការងារ និងក្រុមហ៊ុន ADATA Technology ចុះអនុស្សរណៈស្ដីពី កិច្ចសហប្រតិបត្តិការលើការអភិវឌ្ឍជំនាញ
ទិន្នផលទុរេនទឹកឈូឆ្នាំនេះល្អជាងឆ្នាំមុន ខណៈដែលរសជាតិកាន់តែឈ្ងុយឆ្ងាញ់និងមានទីផ្សារល្អ
ក្រសួងមុខងារ នឹងចាប់ដៃអង្គភាពប្រឆាំងអំពើពុករលួយ បង្ក្រាបជនស៊ីឈ្នួលរត់ការចូលក្របខណ្ឌរដ្ឋ
តើមន្ទីរពេទ្យជាតិ តេជោសន្តិភាព ដែលមានគ្រែពេទ្យជិត១ម៉ឺន មានព្យាបាលជំងឺអ្វីខ្លះ?
ភ្នំភ្លើងនៅអាឡាស្កា ជិតផ្ទុះជាមួយកម្លាំងដ៏ខ្លាំង ខណៈអ្នកជំនាញព្រមានពីគ្រោះថ្នាក់ធ្ងន់ធ្ងរ
ខេត្តកំពតជាប់សមុទ្រ ដែកឆក់ទាក់ទាញវិនិយោគិន មានផែទឹកជ្រៅ ផែទេសចរណ៍អន្តរជាតិ តំបន់សេដ្ឋកិច្ចពិសេសជាច្រើនកន្លែង
នគរបាលអំពាវនាវពលរដ្ឋ ទៅបន្តសុពលភាពអត្តសញ្ញាណប័ណ្ណ ដើម្បីទុកសម្រាប់ប្រើប្រាស់តាមតម្រូវការ
-
ព័ត៌មានជាតិ២ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម៤ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ៦ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ១ សប្តាហ៍ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៥ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ៥ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ១ សប្តាហ៍ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សេចក្ដីជូនដំណឹង៤ ថ្ងៃ agoក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”