តើប្រទេសអាស៊ាន ឬលើពិភពលោកណា ដែលជាប់ពន្ធគយរបស់ ត្រាំ ខ្ពស់ជាងគេ?

ដើមឡើយ ​ពន្ធខ្ពស់របស់ប្រធានាធិបតីសហរដ្ឋអាមេរិក​ ដូណាល់ ត្រាំ ​ត្រូវចូលជាធរមាន​នៅថ្ងៃ ១ សីហា នេះ​ មុនលោកសម្រេចម្ដងទៀតកាលពីថ្ងៃព្រហស្បតិ៍ ថានឹង​ត្រូវលើកពេលទៅថ្ងៃទី ៧ សីហា វិញ។ ​នេះជាបញ្ជីអត្រាពន្ធ ដែលប្រទេសដៃគូពាណិជ្ជកម្ម​អាមេរិក​ ​ត្រូវទទួល​រង​៖

+ អាស៊ាន

សិង្ហបុរី និងទីម័រខាងកើត គឺជាប្រទេសនៅអាស៊ានតែមួយ​គត់ ដែលជាប់អត្រាពន្ធមូលដ្ឋាន ពោលគឺត្រឹម ១០ ភាគរយ ដែលចូលជាធរមានតាំងតែពីថ្ងៃ ៥ មេសា។ យ៉ាងណាមិញ លោក ត្រាំ បាន​និយាយកន្លងមកថា អត្រាពន្ធមូលដ្ឋាន អាច​ត្រូវដំឡើងដល់ចន្លោះពី ១៥-២០ ភាគរយ ប៉ុន្តែមកទល់ពេល​នេះ មិនទាន់មាន​ការសម្រេច​នៅឡើយទេ។

+ បណ្ដាប្រទេសធំៗផ្សេងទៀតលើពិភព​លោក​

ដោយឡែកប្រទេសចិន ដែលជាដៃគូពាណិជ្ជកម្មកំពូលមួយ​របស់សហរដ្ឋអាមេរិក មិនទាន់សម្រេច​បាន​កិច្ចព្រមព្រៀងពាណិជ្ជកម្មជាមួយ​អាមេរិក​ទេ។ ចិន និងអាមេរិក​ បាន​ធ្លាក់ចូលទៅក្នុងសង្រ្គាម​ពាណិជ្ជកម្ម ដោយ​អាមេរិក​ដាក់ពន្ធបន្តបន្ទាប់ ១៤៥ ភាគរយ ហើយចិនវាយបកវិញក្នុងអត្រា ១២៥ ភាគរយ។ យ៉ាងណាមិញ ភាគីទាំង២ ព្រមព្រៀងគ្នានៅថ្ងៃទី ១២ ឧសភា លើការ​ដកអត្រាពន្ធ ១១៥ ភាគរយ រៀងៗខ្លួន បណ្ដោះអាសន្ន ៩០ ថ្ងៃ ​ហើយបន្តចរចាជាមួយគ្នាតាំងពីពេលនោះមក៕

ដោយ៖ ហួន ឌីណា