សេដ្ឋកិច្ច
សហគមន៍កសិកម្មទំនើប នៅតែជាជម្រើសល្អបំផុតដែលអាចធានាស្ថិរភាពថ្លៃ
លោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ បានលើកឡើងថា ស្របពេលដែលក្រសួងកសិកម្មនៅតែបន្តជួយសម្របសម្រួលស្វែងរកទីផ្សារដល់កសិករ ជាទូទៅ «សហគមន៍កសិកម្មទំនើប» នៅតែជាជម្រើសល្អបំផុតដែលអាចធានាថ្លៃទុកជាមុនបាន និងការពារកសិករពីហានិភ័យទីផ្សារប្រកបដោយប្រសិទ្ធភាព។
នៅថ្ងៃទី១៧ ខែសីហា ឆ្នាំ២០២៥ លោក ឃឹម ហ្វីណង់ បានមានប្រសាសន៍ថា ពាក់ព័ន្ធការចងក្រងជាសហគមន៍ មានមតិមួយចំនួនបានលើកឡើងថា ហេតុអ្វីត្រូវជួយតែសហគមន៍ ទាល់តែសហគមន៍កសិកម្មទំនើបទើបអាចទទួលបានតម្លៃល្អ ប្រសិនជាទទួលបានតម្លៃល្អ ហេតុអ្វីក៏មិនឱ្យតម្លៃល្អទៅកសិករទូទៅ?
បកស្រាយចម្ងល់នេះ លោក ឃឹម ហ្វីណង់ បានគូសបញ្ជាក់ថា ចម្លើយមិនមែននៅក្នុងក្រសួងកសិកម្មជាអ្នកកំណត់ថ្លៃនោះទេ គឺស្ថិតនៅលើអ្នកទិញ ព្រោះអ្នកទិញត្រូវការភាពច្បាស់លាស់មុននិងទិញស្រូវពីសហគមន៍ ដោយសារតែអ្នកទិញក៏ត្រូវធ្វើកិច្ចសន្យាកិនស្រូវនាំចេញទៅលក់នៅខាងក្រៅដូចគ្នាដែរ។
កន្លងមកក្រុមហ៊ុនទិញស្រូវមិនហ៊ានធ្វើកិច្ចសន្យាជាមួយពលរដ្ឋម្នាក់ៗនោះទេ បើធ្វើក៏មិនហ៊ានឱ្យតម្លៃខ្ពស់ដែរ ប៉ុន្តែប្រសិនបើធ្វើកិច្ចសន្យាជាមួយសហគមន៍ ជាពិសេសសហគមន៍កសិកម្មទំនើបដែលមានមុខក្រសួងកសិកម្មចេញមុខធានាថាកិច្ចសន្យាគឺអាចអនុវត្តបាន ១០០% ក្រុមហ៊ុនទិញស្រូវមួយចំនួនហ៊ានឱ្យតម្លៃថែមដល់ ៥០៛ ១០០៛ ឬ ១៥០៛ ដោយសារទំនុកចិត្ត និងភាពច្បាស់លាស់។
«មិនតែប៉ុណ្ណោះ អ្នកនាំចេញមួយចំនួនទៀត ក៏បានអះអាងដែរថា តម្លៃនាំចេញមិនខ្លាចនោះទេ ប៉ុន្តែសុំឱ្យស្រូវដែលប្រជាកសិករដាំដុះគ្មានសារធាតុគីមីដែលហាមឃាត់នាំចេញទៅអឺរ៉ុប។ ជាក់ស្ដែង ប្រសិនបើចុះកិច្ចសន្យាជាមួយពលរដ្ឋទូទៅ ច្បាស់ណាស់ថាបញ្ហាថ្នាំ នឹងមិនអាចគ្រប់គ្រងបានទេ ដូច្នេះពាក់ព័ន្ធកត្តាតម្លៃល្អនេះមិនមែនជួយតែសម្រាប់សហគមន៍ទំនើបទេ ប៉ុន្តែដោយសារតែទីផ្សារជាអ្នកចង់បាន ហើយការជួយជាសហគមន៍នេះទៀតសោត ក្រសួងក៏ចង់បានភាពច្បាស់លាស់ដូចគ្នាដែរ ព្រោះការជួយម្នាក់ម្តង មិនមានប្រសិទ្ធភាពនោះទេ ហើយក៏ដឹងថាពេលណាទើបអាចជួយអស់ ទាំងបច្ចេកទេសក្នុងការដាំដុះ ការធ្វើពូជ»។ លោក ឃឹម ហ្វីណង់ បន្ថែមបែបនេះ។
ជាមួយគ្នានេះ ដោយសារតែក្រសួង បានមើលឃើញពីភាពល្អប្រសើរនៃការចងក្រងធ្វើជាសហគមន៍នេះហើយ ទើបបានជាក្រសួងចេញមុខធានាថា កសិករគួរតែចងក្រងទៅជាសហគមន៍កសិកម្មទំនើប ព្រោះទីផ្សារចង់បានបែបនេះ ហើយហ៊ានឱ្យតម្លៃខ្ពស់។ មួយវិញទៀត ពេលកង្វះខាតដើមទុន ក្រសួងក៏ស្វែងរកធនាគារជាដៃគូរដើម្បីធានាបានដើមទុន ហើយក្រសួងក៏និងជួយបណ្ដុះបណ្ដាលទាំងកត្តាបច្ចេកទេស ការដឹកនាំ ក៏ដូចហេដ្ឋារចនាសម្ព័ន្ធជាដើម។
អ្នកនាំពាក្យរូបនេះ ក៏បន្តអំពាវនាវម្តងហើយម្តងទៀត ឱ្យពលរដ្ឋចងក្រងជាសហគមន៍ ព្រោះការចូលជាសហគមន៍ គឺអាចទទួលបានផលប្រយោជន៍ច្រើន និងអាចការពារកសិករពីហានិភ័យទីផ្សារបានផងដែរ។ មួយវិញទៀត ក្នុងនាមអាណាព្យាបាល ក្រសួងកសិកម្មដាច់ខាតមិនដឹកដៃកសិករឱ្យដើរផ្លូវខុសនោះទេ។
សូមជម្រាបថា រាជរដ្ឋាភិបាលបានសម្រេចជាគោលការណ៍ ដោយត្រៀមកញ្ចប់ថវិកាពិសេសចំនួន ៣៥ លានដុល្លារ បន្ថែមទៀត ដើម្បីគាំទ្រដល់ការផ្ដល់កម្ចីទាបជូនសហគគមន៍កសិកម្មទំនើប នៅក្នុងរយៈពេល ៣ ឆ្នាំ ២០២៥-២០២៧៕
ដោយ៖ ឌិន ថារី
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ