ព័ត៌មានអន្ដរជាតិ
តម្លៃប្រេងអន្តរជាតិកើនឡើងជិត ៧០ ដុល្លារ/បារ៉ែល ជុំវិញជម្លោះអ៊ុយក្រែន-រុស្ស៊ី
តម្លៃប្រេងអន្តរជាតិ បានកើនឡើងជិតដល់ ៧០ ដុល្លារ/បារ៉ែល សម្រាប់ការជួញដូរនៅលើទីផ្សារអាស៊ីនាព្រឹកថ្ងៃអង្គារនេះ ដោយសារតែក្ដីបារម្ភពីការរំខានផ្នែកផ្គត់ផ្គង់ ចំពេលភាពតានតឹងជម្លោះអ៊ុយក្រែន-រុស្ស៊ី កើនឡើងជាថ្មី។
តម្លៃប្រេងឆៅម៉ាក Brent បានកើនឡើង ២០ សេន ឬ ០,២៩ ភាគរយ ដល់ ៦៨,៣៥ ដុល្លារ/បារ៉ែល គិតត្រឹមម៉ោងម៉ោង ៨ កន្លះព្រឹក នៅទីក្រុងហុងកុង។ តម្លៃប្រេងឆៅអាមេរិក ម៉ាក West Texas Intermediate (WTI) វិញ កើនឡើង ៨១ សេន ឬ ១,២៧ ភាគរយ ដល់ ៦៤,៨២ ដុល្លារ/បារ៉ែល។
កំណើនសម្រាប់ការជួញដូរថ្ងៃអង្គារនេះ កើតឡើងក្រោយអ៊ុយក្រែនថ្មីៗនេះ បានបើកការវាយប្រហារដោយដ្រូនលើហេដ្ឋារចនាសម្ព័ន្ធថាមពលរុស្ស៊ី ដែលរួមចំណែកប្រមាណ ១៧ ភាគរយ នៃសមត្ថភាពកែច្នៃប្រេងរបស់រុស្ស៊ី ឬ ១,១ លានបារ៉ែល/ថ្ងៃ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ហើយកាលពីថ្ងៃអាទិត្យ ប្រធានាធិបតីអ៊ុយក្រែន លោក វ្ល៉ាឌីមៀរ ហ្សេលេនស្គី បានប្រកាសពីគម្រោងវាយប្រហារចូលទៅជ្រៅក្នុងទឹកដីរបស់រុស្ស៊ី ក្រោយពីកំណត់គោលដៅលើទីតាំងថាមពលរបស់រុស្ស៊ីជាច្រើនកន្លែង។
អ្នកជំនាញមើលឃើញថា ភាពតានតឹងនៃជម្លោះបែបនេះ បង្កក្ដីបារម្ភកាន់តែច្រើនពីការរំខានផ្នែកផ្គត់ផ្គង់ ខណៈរុស្ស៊ី ក៏ជាអ្នកនាំចេញប្រេងដ៏សំខាន់លើពិភពលោក ចំពេលដែលប្រធានាធិបតីអាមេរិក លោក ដូណាល់ ត្រាំ ឯណោះវិញ បន្តដាក់គំនាបឱ្យរុស្ស៊ីបញ្ចប់ការឈ្លានពានអ៊ុយក្រែន បើមិនដូច្នោះទេ នឹងរងទណ្ឌកម្មសេដ្ឋកិច្ចបន្ថែមទៀត៕
-
ព័ត៌មានអន្ដរជាតិ១៥ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ