ព័ត៌មានអន្ដរជាតិ

ចិនវ៉ាដាច់អាល្លឺម៉ង់ចូលទៅក្នុងបញ្ជី UN នៃប្រទេសធ្វើនវានុវត្តន៍បំផុតទាំង១០

បានផុស

៩ ខែ មុន

នៅ

ថ្ងៃអង្គារ ១៦ កញ្ញា ២០២៥

ដោយ

ចិនបានវ៉ាដាច់អាល្លឺម៉ង់ ដោយចូលទៅក្នុងបញ្ចីរបស់អង្គការសហប្រជាជាតិ (UN) នៃប្រទេសដែលប្រកបដោយនវានុវត្តន៍បំផុតទាំង១០នៅលើពិភពលោក ចំពេលដែលក្រុមហ៊ុនចិនបង្កើនការវិនិយោគខ្លាំងក្លាលើការស្រាវជ្រាវ និងអភិវឌ្ឍន៍ (R&D)។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណាត់ថ្នាក់របស់ UN ត្រូវបានដាក់តាមលទ្ធផលនៃការស្ទង់មតិសន្ទស្សន៍នវានុវត្តន៍សកល (GII) លើប្រទេសចំនួន ១៣៩ ដែលផ្អែកលើសូចនាករចំនួន ៧៨ មុខ។ GII បង្ហាញថា ស្វីសនៅតែជាប្រទេសកំពូលគេលើនវានុវត្តន៍ ហើយបន្ទាប់មកគឺស៊ុយអែត និងសហរដ្ឋអាមេរិក ខណៈចិនឈានចូលដល់ចំណាត់ថ្នាក់លេខ ១០។

វាជាលើកដំបូងហើយ ដែលចិនហក់ឡើងដល់ចំណាត់ថ្នាក់នេះ។ GII បានបង្ហាញទៀតថា ចិនកំពុងស្ថិតឆ្ពោះទៅក្លាយជាប្រទេសចំណាយលើផ្នែក R&D ដ៏ធំបំផុត ខណៈកំណើនការវិនិយោគនៃវិស័យឯកជន ជិតកៀកនឹងការចំណាយរបស់រដ្ឋ។

យ៉ាងណាមិញ GII បានបង្ហាញផងដែរ ទស្សនវិស័យសម្រាប់នវានុវត្តន៍សកល បានរងនូវភាពអាប់អួរដោយការធ្លាក់ចុះនៃការវិនិយោគ។ កំណើន R&D ត្រូវបានកំណត់ថានឹងថយចុះ ពីកំណើន ២,៩ ភាគរយ ឆ្នាំមុន មកត្រឹម ២,៣ ភាគរយ ឆ្នាំនេះ ដែលជាកម្រិតទាបបំផុតចាប់តាំងពីឆ្នាំ ២០១០ ពោលគឺក្រោយវិបត្តិហិរញ្ញវត្ថុសកល។

គួរគូសបញ្ជាក់ថា ប្រទេសផ្សេងៗទៀតដែលជាប់ក្នុងបញ្ជីកំពូលទាំង១០របស់ GII រួមមានកូរ៉េខាងត្បូង សិង្ហបុរី អង់គ្លេស ហ្វាំងឡង់ ហូឡង់ និងដាណឺម៉ាក៕

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា