Connect with us

អត្ថាធិប្បាយ

មកដឹងមូលហេតុខ្លះៗដែល ពិភពលោក កំពុងជួបរលកកម្ដៅខ្លាំងបែបនេះ

បានផុស

នៅ

ផ្នែកជាច្រើននៅលើពិភពលោកកំពុងជួបអាកាសធាតុក្ដៅជាងធម្មតា និងមិនធ្លាប់មានក្នុងរយៈពេលប៉ុន្មានឆ្នាំចុងក្រោយនេះ ដែលបង្កការគំរាមកំហែងយ៉ាងធ្ងន់ធ្ងរដល់មនុស្សជាតិ ក៏ដូចជាសកលលោកទាំងមូលផងដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទន្ទឹមនោះ អ្នកជំនាញក៏បានអះអាងផងដែរពីកត្តាមួយចំនួនដែលឈានទៅដល់ការកើនឡើងកម្ដៅពិភពលោក ក៏ដូចជាផលប៉ះពាល់នៃការគំរាមកំហែងពីសីតុណ្ហភាពដ៏ក្ដៅមួយនេះ ។

ដូច្នេះតើមានមូលហេតុអ្វីខ្លះទើបធ្វើឲ្យពិភពលោកឡើងកម្ដៅខ្លាំងបែបនេះ?

អ្នកវិទ្យាសាស្ត្របានព្រមានថា ការឡើងកម្ដៅពិភពលោកនៅពេលនេះ គឺដោយសារតែផ្នែកមួយនៃ បាតុភូតអាកាសធាតុ El Nino ជាបាតុភូតធម្មជាតិដ៏មានឥទ្ធិពលមួយ ដែលអាចបង្កើនសីតុណ្ហភាពសកលលោក ហើយការវិលត្រឡប់មកវិញនៃបាតុភូតអាកាសធាតុ El Nino នៅឆ្នាំនេះ នឹងធ្វើឲ្យសីតុណ្ហភាព ក៏ដូចជារលកកម្ដៅសកលកើនឡើងមិនធ្លាប់មានពីមុនមក ។

លោកសាស្ត្រាចារ្យ James Hansen នៅសាកលវិទ្យាល័យ Columbia ក្នុងទីក្រុងញូវយ៉កបាននិយាយថា បាតុភូតអាកាសធាតុ El Nino នឹងត្រលប់មកវិញនៅក្នុងឆ្នាំ ២០២៣ នេះ ដោយធ្វើឲ្យអាកាសធាតុកាន់តែធ្ងន់ធ្ងរនៅជុំវិញពិភពលោក ជាពិសេសពិភពលោកនឹងឡើងកម្ដៅលើសពី ១.៥ អង្សាសេ ហើយវាក៏នឹងក្លាយជាឆ្នាំក្តៅបំផុតក្នុងប្រវត្តិសាស្ត្រផងដែរ បើធៀបនឹងឆ្នាំ ២០១៦ និងឆ្នាំ ២០២២ ខណៈនៅឆ្នាំ ២០២៤ សីតុណ្ហភាពពិភពលោកក៏នឹងបង្កើតកំណត់ត្រាថ្មីផងដែរ ។

ជាក់ស្ដែងនៅក្នុងប្រទេសថៃ អ្នកជំនាញអាកាសធាតុបានព្រមានថា បាតុភូតអាកាសធាតុ El Nino នឹងនាំមកនូវអាកាសធាតុកាន់តែក្ដៅ និងស្ងួតហួតហែងនៅទូទាំងប្រទេសក្នុងរយៈពេលប៉ុន្មានខែខាងមុខនេះ ខណៈកាលពីចុងសប្ដាហ៍កន្លងទៅ នៅខេត្ត Tak បានជួបប្រទះរលកកម្ដៅរហូតដល់ ៤៥.៤ អង្សាសេ ខណៈកំណត់ត្រាចាស់កាលពីឆ្នាំ ២០១៦ សីតុណ្ហភាពក្ដៅបំផុតគឺ ៤៤.៦ អង្សាសេ ។

ចំណែកបញ្ហាសំខាន់មួយទៀតនោះគឺ “ការបំភាយឧស្ម័នផ្ទះកញ្ចក់” ។ ឧស្ម័នផ្ទះកញ្ចក់ដែលបណ្ដាលមកពីសកម្មភាពរបស់មនុស្ស និងកំពុងធ្វើឲ្យបម្រែបម្រួលអាកាសធាតុ ក៏ជាដើមចមជំរុញឲ្យសីតុណ្ហភាពសកលកើនឡើងផងដែរ ខណៈរហូតមកដល់ពេលនេះ ឧស្ម័នផ្ទះកញ្ចក់កំពុងធ្វើឲ្យសីតុណ្ហភាពសកលលោកកើនឡើងប្រហែល ១.២ អង្សាសេ ។

បញ្ហាមួយនេះបាននាំឲ្យមានផលប៉ះពាល់មហន្តរាយនៅជុំវិញពិភពលោករួចមកហើយ រាប់ចាប់ពីរលកកម្តៅខ្លាំងនៅអាមេរិក និងអឺរ៉ុប រហូតដល់បង្កឲ្យមានទឹកជំនន់ដ៏មហន្តរាយនៅក្នុងប្រទេសប៉ាគីស្ថាន និងនីហ្សេរីយ៉ា ដែលទទួលរងផលប៉ះពាល់ និងគ្រោះថ្នាក់ដល់មនុស្សរាប់លាននាក់ ។

ជាពិសេសថ្មីៗនេះ រលកកម្ដៅបានសម្លាប់មនុស្សប្រមាណ ១១ នាក់នៅប្រទេសឥណ្ឌា ។ ប្រមុខរដ្ឋ Maharashtra បាននិយាយថា អ្នកស្លាប់ទាំង ១១ នាក់នោះ គឺបណ្ដាលមកពីដាច់សរសៃឈាមខួរក្បាល ក្រោយប្រមូលផ្ដុំគ្នាចូលរួមប្រារព្ធពិធីមួយនៅកណ្ដាលវាលក្រោមកម្ដៅថ្ងៃ ដែលមានសីតុណ្ហភាពអតិបរមា ៣៨ អង្សាសេក្នុងតំបន់ Khargar ។

ពាក់ព័ន្ធរលកកម្ដៅនេះដែរ អ្នកជំនាញព្រមានថា មនុស្សដែលព្យាយាមនៅខាងក្រៅក្នុងសីតុណ្ហភាពចន្លោះពី ៤១ អង្សាសេ និង ៥៤ អង្សាសេ អាចប្រឈមហានិភ័យនៃការរមួលសាច់ដុំ និងជំងឺដាច់សរសៃឈាមខួរក្បាលដែលទើបនឹងកើតឡើងនៅឥណ្ឌា ហើយវាក៏ប៉ះពាល់យ៉ាងខ្លាំងដល់សុខភាពមនុស្សផងដែរ ជាពិសេសកុមារ មនុស្សចាស់ និងអ្នកដែលមានជំងឺស្រាប់ ៕

ប្រែសម្រួលដោយ ៖ ជីវ័ន្ត

ប្រភព ៖ The Guardian

ចុចអាន ៖ តម្រុយខ្លះៗនាំឲ្យជនសង្ស័យឈានដល់ការប៉ុនប៉ងធ្វើឃាតនាយករដ្ឋមន្ត្រី ជប៉ុន

Helistar Cambodia - Helicopter Charter Services
Sokimex Investment Group
ព័ត៌មានជាតិ២២ វិនាទី មុន

សម្តេចតេជោ ថ្លែងថានេះជាពេលដែលពលរដ្ឋកម្ពុជាគួរទទួលបានអាហារមានគុណភាពគ្មានជាតិគីមី

ព័ត៌មានអន្ដរជាតិ៩ នាទីutes មុន

អ៊ីស្រាអែល​ដាក់​បន្ថែម​ឈ្មោះ​មេ​ដឹក​នាំ​ហាម៉ាស​៤នាក់​ទៀតក្នុង​បញ្ជី​ត្រូវ​ធ្វើ​ឃាត

ព័ត៌មានជាតិ១១ នាទីutes មុន

ភ្ញៀវទេសចរបន្តមកលេងកម្សាន្តនៅសហគមន៍អេកូទេសចរកោះទ្រង់ ទោះបីជារដូវវស្សា

ព័ត៌មានជាតិ១៤ នាទីutes មុន

មកដឹងពីសេវាព្យាបាលនៅតាមមន្ទីរពេទ្យថ្នាក់ជាតិ ទាំង១២ ក្នុងរាជធានីភ្នំពេញ ដែលជាដៃគូ ប.ស.ស.

ព័ត៌មានអន្ដរជាតិ១៥ នាទីutes មុន

អ៊ីស្រាអែល បាញ់សម្លាប់ពលរដ្ឋប៉ាឡេស្ទីនច្រើននាក់ទៀត ពេលរង់ចាំយកជំនួយ នៅ ហ្គាហ្សា

ព័ត៌មានអន្ដរជាតិ២៣ ម៉ោង មុន

យោធាថៃម្នាក់ស្លាប់ ក្នុងហេតុការណ៍ផ្ទុះគ្រាប់បែកនៅខេត្ត Pattani 

សន្តិសុខសង្គម២៣ ម៉ោង មុន

ជាថ្មីម្ដងទៀត គ្រូបារមីស្នងរូប ៧ ភាសា ចុះកិច្ចសន្យាបញ្ឈប់សកម្មភាពប៉ះពាល់ តម្លៃព្រះពុទ្ធសាសនា និងសង្គម

សន្តិសុខសង្គម៤ ម៉ោង មុន

តុលាការសម្រេចឃុំខ្លួនលោក ហង្ស សំណាង និងបក្ខពួកដាក់ពន្ធនាគារពីបទ ធ្វើឲ្យខូចទឹកចិត្តកងទ័ព

ព័ត៌មានអន្ដរជាតិ៣ ម៉ោង មុន

បុរសជនជាតិឥណ្ឌារត់ពន្ធពស់វែក ៤៧ក្បាលក្នុងវ៉ាលី ត្រូវបានចាប់ខ្លួននៅអាកាសយានដ្ឋាន Mumbai

សេចក្ដីជូនដំណឹង២៤ ម៉ោង មុន

ធនាគារ វីង និងធនាគារ ស៊ីអាយអិមប៊ី សិង្ហបុរី សហការជំរុញកំណើនសេវាហិរញ្ញវត្ថុរវាងកម្ពុជា និងសិង្ហបុរី

Sokha Hotels

ព័ត៌មានពេញនិយម