កូវីដ-១៩

ធ្វើតេស្តទី១លើក្រុមគ្រួសារសពស្ត្រីខ្មែរឥស្លាម លក់សាច់គោមានមនុស្ស៥នាក់ ឆ្លងជំងឺកូវីដ១៩

បានផុស

៣ years មុន

នៅ

ថ្ងៃអាទិត្យ ៩ ឧសភា ២០២១

ដោយ

ក្រុមគ្រូពេទ្យដែលបានចុះទៅយកសំណាក ដើម្បីធ្វើការពិសោធន៍រកវិជ្ជមានកូវីដ១៩ឃើញថា មានមនុស្ស៥នាក់ ដែលជាក្រុមគ្រួសារសពស្ត្រីឈ្មោះ ម៉ីត សៃម៉ាស់ អាយុ៥៣ឆ្នាំ ដែលជាអាជីវករលក់សាច់គោ នៅផ្សារជនជាតិខ្មែរឥស្លាម(ផ្សារចាមព្រែកប្រា)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្តីរាយការណ៍ពីលោក យូសុះ អាប់ឌុលឡោះ ចៅរងទី២សង្កាត់ព្រែកប្រាបានឲ្យដឹងថា កាលពីវេលាម៉ោង១៦រសៀលថ្ងៃទី៨ខែឧសភានេះ ក្រុមគ្រូពេទ្យបង្អែកច្បារអំពៅបានចុះទៅយកសំណាកក្រុមគ្រួសារសពស្ត្រីឈ្មោះ ម៉ីត សៃម៉ាស់ អាយុ៥៣ឆ្នាំ ជាអាជីវករលក់សាច់គោនៅផ្សារខ្មែរឥស្លាម មានទីតាំងនៅតាមបណ្តោយផ្លូវ៣៦៩ ភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ដែលបានមរណភាពកាលពីវេលាម៉ោង៦និង១០នាទី ព្រឹកថ្ងៃទី៧ខែឧសភា។ លោកចៅរងសង្កាត់ព្រែកប្រាបានបញ្ជាក់ថា ក្រុមគ្រួសារសពស្ត្រីវ័យ៥៣ឆ្នាំនេះ មានសមាជិករហូតដល់១៥នាក់ ហើយលទ្ធផលចេញមក គឺមានវិជ្ជមាន៥នាក់ ក្នុងនោះមានស្រី៣ប្រុស២នាក់។ នេះជាលទ្ធផលផ្លូវការ ដែលគ្រូពេទ្យចុះទៅយកសំណាកក្នុងភាពមិនសប្បាយចិត្តពីក្រុមគ្រួសារសព ដែលដំបូងឡើយក្រុមគ្រួសារសព បានព្យាយាមប្រកែកឡើងតឹងសរសៃកថា ស្ត្រីដែលស្លាប់ពុំមានជំងឺកូវីដ១៩។ ប៉ុន្តែក្រោយមកទើបឯកភាពដោយសារ គ្រូពេទ្យយកសំណាកទៅធ្វើការពិសោធន៍ដល់ប៉ាស្ទឺរ។

លោក យូសុះ អាប់ឌុលឡោះ បានបញ្ជាក់ថា មនុស្សទាំង៥នាក់ ដែលរកឃើញវិជ្ជមានកូវីដ១៩ ត្រូវបានរថយន្តសង្គ្រោះរបស់ក្រសួងសុខាភិបាល ដឹកយកទៅព្យាបាល កាលពីវេលាម៉ោង១០និង០០នាទីយប់ថ្ងៃទី៨ខែឧសភា។ ទោះជាណាក៏ក្រុមគ្រូពេទ្យ បានជំរុញឲ្យអាជ្ញាធរសង្កាត់ព្រែកប្រា ត្រូវប្រកាសឲ្យអ្នកពាក់ព័ន្ធសពស្ត្រីឈ្មោះ ម៉ឺត សៃម៉ាស់ ឲ្យមកធ្វើសំណាកជាបន្ទាន់ ចៀសវាងឆ្លងរាលដាលដល់សហគមន៍៕

អត្ថបទ៖ នរា

សូមចុចអាន៖ ២ថ្ងៃ ខេត្តបាត់ដំបងរកឃើញអ្នកឆ្លងជំងឺកូវីដ១៩ ចំនួន៦នាក់ ក្នុងនោះមានក្មេង៣នាក់