ខឹងព្យាបាលអ្នកជំងឺកូវីដអស់ថ្លៃពេក​ មេបក្សឥណ្ឌា វាយអ្នកគ្រប់គ្រងមន្ទីរពេទ្យ ផ្អើលគេឯង

នៅក្នុងឧប្បត្តិហេតុដ៏គួរឲ្យភ្ញាក់ផ្អើល អ្នកគ្រប់គ្រងមន្ទីរពេទ្យមួយត្រូវបានវាយដំដោយមេដឹកនាំគណបក្ស BJP ក្នុងស្រុក ឈ្មោះ Prashant Sankhe នៅតំបន់ Boisar នៃរដ្ឋ Maharashtra ដោយសារតែគាត់មានកំហឹងចំពោះថ្លៃព្យាបាល។

រឿងនេះបានកើតឡើង បន្ទាប់ពីអ្នកគ្រប់គ្រង បដិសេធចុះថ្លៃវិក័យប័ត្រព្យាបាលអ្នកជំងឺកូវីដម្នាក់ដែលសរុបមានទឹកប្រាក់៨៦,០០០រូពី ស្មើនឹង ១,១៧២ដុល្លារអាមេរិក។

បច្ចុប្បន្ន បុគ្គលិកមន្ទីរពេទ្យបានទាមទារឲ្យចាប់ខ្លួនមេដឹកនាំក្នុងតំបន់រូបនេះ។ ពួកគេនិយាយថា “លោក Prashant Sankhe បានរំលោភបំពាន និងធ្វើខុសជាមួយបុគ្គលិករបស់យើង។ ទោះបីជាមានគ្រោះថ្នាក់ដល់ជីវិតរបស់យើងក៏ដោយ ប្រសិនបើយើងទាំងអស់ត្រូវបានគេធ្វើបាបដូចនេះ យើងមិនអាចបន្តការងារបានទៀតទេ។ យើងនឹងធ្វើកូដកម្ម”។

កាលពីថ្ងៃចន្ទ ក្រសួងសុខាភិបាលឥណ្ឌាបានប្រកាសមានអ្នកឆ្លងជំងឺកូវីដ-១៩ថ្មីចំនួន៣៦៦,១៦១ករណី និងការស្លាប់ថ្មី ៣,៧៥៤នាក់។

តួលេខនេះបានធ្វើឲ្យករណីឆ្លងសរុបរបស់ប្រទេសឥណ្ឌាឈានដល់ ២២.៦៦ករណី និងការស្លាប់ ២៤៦,១១៦នាក់៕

ប្រែសម្រួលដោយ៖ Vann Vann

ប្រភព៖ Republic World

ចុចអាន៖ ៣ខែទៀត ការស្លាប់ដោយសារកូវីដនៅឥណ្ឌា នឹងឈានដល់ ១លាននាក់