ពលរដ្ឋខ្មែរឆ្លងវីរុសកូវីដបម្លែងខ្លួនថ្មីពីប្រទេសថៃ ជាអ្នករស់នៅខេត្តទាំង ៥នេះ

យោងតាមលិខិតចេញដោយក្រសួងសុខាភិបាល ដែលទើបតែបានប្រកាស រកឃើញករណីឆ្លងវីរុសបម្លែងខ្លួនថ្មី ប្រភេទ B.1.617-2 ហៅកាត់ថា Delta លើពលរដ្ឋខ្មែរឆ្លងដែនមកពីប្រទេសថៃទាំង ៧នាក់ បញ្ជាក់ថា ពួកគាត់មានអាសយដ្ឋានរស់នៅតាមបណ្ដាខេត្តផ្សេងៗគ្នាចំនួន ៥ នៅកម្ពុជា។

ក្នុងនោះអ្នកខេត្តបន្ទាយមានជ័យ ចំនួន ១ម្នាក់ ខេត្តឧត្ដរមានជ័យ ចំនួន ២នាក់ ខេត្តសៀមរាប ចំនួន ២នាក់ ខេត្តកំពុងចាម ១ម្នាក់ និងអ្នករស់នៅខេត្តកំពត ១ម្នាក់។ បច្ចុប្បន្ន ពួកគាត់ទាំង ៧នាក់នោះ កំពុងសម្រាកព្យាបាលជំងឺនៅតាមមន្ទីរពេទ្យបង្អែកខេត្តទាំង ៥នោះ យ៉ាងយកចិត្តទុកដាក់។

គួរបញ្ជាក់ថា កាលពីថ្ងៃទី ១៨ មិថុនា ២០២១ ម្សិលមិញនេះ រដ្ឋបាលខេត្ដ​សៀម​រាប ទើបតែ​បាន​រក​ឃើញករណី ​វិជ្ជមាន​​កូវីដ១៩​បំប្លែង​ថ្មី ប្រភេទ​កូនកាត់​ឥណ្ឌា​ចំនួន ២​ករណី​ ​លើ​ពលការ​នី​ពីរ​នាក់​ ដែល​បាន​ចំណាក​ស្រុក​មក​ពី​ប្រទេស​ថៃ​ផងដែរ៕