កូវីដ-១៩
រដ្ឋមន្ដ្រីសុខាភិបាលបញ្ជាក់ពីមូលហេតុដែលនាំឲ្យអ្នកជំងឺកូវីដ១៩ស្លាប់ភាគច្រើន
ភ្នំពេញ ៖ លោកសាស្ដ្រាចារ្យ ម៉ម ប៊ុនហេង រដ្ឋមន្ដ្រីក្រសួងសុខាភិបាល បានលើកឡើងថា មូលហេតុដែលនាំឲ្យអ្នកជំងឺកូវីដ១៩ស្លាប់ ភាគច្រើននៅប្រទេសកម្ពុជាគឺដោយសារអ្នកជំងឺមានវ័យចំណាស់និងមានជំងឺប្រចាំកាយច្រើន។
ការលើកឡើង របស់លោករដ្ឋមន្ត្រីបែបនេះបានធ្វើឡើងក្នុងឱកាសដែលអនុញ្ញាតឱ្យលោកស្រី វ្ល៉ាដានកា អានឌ្រីវ៉ា ( Vladanka ANDREEVA) នាយកប្រតិបត្ដិអង្គការ UNAIDS ចូលជួបសម្ដែងការគួរសម និងជម្រាបលា ដែលប្រព្រឹត្តទៅនៅទីស្ដីការក្រសួងសុខាភិបាល នាថ្ងៃទី៣០ ខែមិថុនា ឆ្នាំ២០២១។
លោករដ្ឋមន្ដ្រី បានបន្តថា កន្លងមកអ្នកជំងឺកូវីដ១៩ មានស្ថានភាពធ្ងន់ធ្ងរ និងស្លាប់ គឺដោយសារមានជំងឺរួមផ្សំប្រចាំកាយស្រាប់ ដូចជាលើសឈាម ទឹកនោមផ្អែម និងជំងឺផ្សេងៗទៀត ។
លោករដ្ឋមន្ត្រីបានបញ្ជាក់ថា «អ្នកជំងឺកូវីដ១៩ ដែលស្លាប់ភាគច្រើន ដោយសារមានជំងឺផ្គុំដទៃទៀត និងជាមនុស្សចាស់មានប្រព័ន្ធការពារខ្សោយ»។
លោករដ្ឋមន្ដ្រីបានអំពាវនាវដល់ប្រជាពលរដ្ឋ ត្រូវបន្ដអនុវត្ដវិធាន ៣ការពារ ៣កុំ ឱ្យបានខ្ជាប់ខ្ជួន និងចាក់វ៉ាក់សាំងឱ្យបានគ្រប់ៗគ្នា ដែលជាវិធានការដ៏មានប្រសិទ្ធភាព ក្នុងការការពារ ទប់ស្កាត់ជំងឺកូវីដ១៩។
ជាមួយគ្នានោះ លោក រដ្ឋមន្ត្រីក៏បានអំពាវនាវឱ្យប្រជាពលរដ្ឋ បើមានជំងឺ សូមប្រញាប់ទៅមន្ទីរពេទ្យ ឬមណ្ឌលសុខភាព ដើម្បីព្យាបាលឱ្យទាល់ពេលវេលាទាំងជំងឺទូទៅ និងជំងឺកូវីដ១៩។
យោងតាមក្រសួងសុខាភិបាលបានឱ្យដឹងថា ជាក់ស្តែងនៅថ្ងៃនេះក្រសួងបានរកឃើញអ្នកឆ្លងថ្មីចំនួន១១៣០នាក់ទៀតក្នុងនោះករណីឆ្លងសហគមន៍ចំនួន៩៩១នាក់អ្នកដំណើរមកពីបរទេសចំនួន១៣៩នាក់ ជាសះស្បើយ ៦៧០នាក់និងស្លាប់២៧នាក់ដែលជាអត្រាខ្ពស់បំផុតមិនធ្លាប់មាន។
គួរបញ្ជាក់ថា គិតត្រឹមព្រឹក ថ្ងៃទី៣០ ខែមិថុនា ឆ្នាំ២០២១កម្ពុជាមានអ្នកឆ្លងជំងឺកូវីដ១៩សរុប៥០៣៨៥ នាក់អ្នកជាសះស្បើយចំនួន៤៤១៤៣នាក់និងអ្នកស្លាប់ចំនួន៦០២នាក់៕
ដោយ ៖ សំអឿន
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»