វៀតណាម នៅតែធ្ងន់ រកឃើញអ្នកឆ្លងកូវីដ ជាង ៥ពាន់ករណីទៀត

ក្រសួងសុខាភិបាលវៀតណាម បានបញ្ជាក់ពីការឆ្លងកូវីដថ្មីចំនួន ២,៥៦៨ ករណីទៀត កាលពីយប់ថ្ងៃពុធ ដោយនាំឲ្យចំនួនសរុបប្រចាំថ្ងៃ ឡើងដល់ ៥,៣៤៣ករណី។

ក្នុងចំណោមករណីសរុបពេលយប់ ទីក្រុងហូជីមិញ ដែលជាចំណុចផ្ទុះរលកទី៤ បានកត់ត្រាការឆ្លងថ្មីចំនួន ១,៨១៧ករណី បន្ទាប់មកគឺខេត្ត Binh Duong ៣០៧ករណីនិង Dong Thap ៨០ករណី ខណៈទីក្រុង ហាណូយ រកឃើញ ៣៨ករណី។

ក្រសួងសុខាភិបាល ក៏បានបញ្ជាក់ពីអ្នកជំងឺចំនួន ៥២៨នាក់ ជាសះស្បើយផងដែរ ដោយធ្វើឲ្យចំនួនអ្នកជាសះស្បើយសរុបចាប់តាំងពីរោគរាតត្បាតផ្ទុះឡើង កើនដល់ ១១,៩៧១នាក់។

ចាប់តាំងពីរលកថ្មីបានចាប់ផ្តើមនៅថ្ងៃទី ២៧ ខែមេសាមក ប្រទេសវៀតណាម បានកត់ត្រាការឆ្លងជំងឺកូវីដ-១៩ក្នុងសហគមន៍ចំនួន ៦៤,៤៥៧ករណី។

វៀតណាម មានអ្នកស្លាប់ចំនួន៣៦នាក់ទៀត ក្នុងរយៈពេល៤ថ្ងៃចុងក្រោយ ដោយនាំឲ្យអ្នកស្លាប់សរុបកើនដល់ ៣៣៤នាក់៕

ប្រែសម្រួល៖ Vann Vann

ប្រភព៖ VN Express

ចុចអាន៖ ព្រឹកនេះ វៀតណាម ប្រកាសរកឃើញអ្នកឆ្លងកូវីដថ្មី ២,៧៧៥ករណី