សួង សាខារ៉ានីត សរសើរវីរភាពគ្រូពេទ្យខ្មែរ និងសមត្ថកិច្ចប្រយុទ្ធប្រឆាំកូវីដ-១៩

ភ្នំពេញ៖ តួអង្គស្រីល្បីក្នុងរឿង កូនក្រក កញ្ញា សួង សាខារ៉ានីត ក្នុងដំណាក់កាលដែលប្រទេសកម្ពុជាកំពុងតែជួបបញ្ហានៃវិបត្តិជំងឺកូវីដ-១៩ រាតត្បាតនោះជារឿយៗនាងតែងតែធ្វើការបួងសួងសុំសេចក្តីសុខជូនដល់ប្រជាពលរដ្ឋទូទាំងប្រទេសឱ្យចៀសផុតពីជំងឺក៏កាចសាហាវមួយនេះ។

ទន្ទឹមគ្នានេះដែរតារាសម្តែងស្រីរូបស្រស់ សួង សាខារ៉ានីត ក៏បានធ្វើការកោតសរសើរខ្លាំងចំពោះវិរភាព និងការលះបង់ដ៏ធំធេងរបស់ក្រុមគ្រូពេទ្យដើម្បីជួយសង្គ្រោះជីវិតពលរដ្ឋខ្មែររាប់ពាន់នាក់ដែលកំពុងប្រឈមជំងឺកូវីដ-១៩នាពេលបច្ចុប្បន្ននេះ។

ថ្លែងប្រាប់ឱ្យដឹងតាមបណ្តាញសង្គមហ្វេសប៊ុនមុននេះ សួង សាខារ៉ានីត បានលើកឡើងថា៖ “ខ្ញុំមិនចង់ជឿថាស្រុកខ្មែរមានគ្រូពេទ្យមានទឹកចិត្តល្អច្រើនបែ បនេះអ៊ីចឹងទេ ពួកគាត់សុខចិត្តយកសេចក្តីសុខរបស់គាត់មកប្រថុយជីវិតដើម្បីព្យាបាលជួយសង្គ្រោះអាយុជីវិតបងប្អូនខ្មែររាប់ពាន់នាក់បែបនេះទេ”។

កញ្ញា សួង សាខារ៉ានីត បានបន្តទៀតថា៖ “ដូចដែលបងប្អូនបានឃើញស្រាប់ហើយទាំងក្រុមគ្រូពេទ្យ និងបូករួមទាំងបងៗមន្ត្រីប៉ូលីសប៉េអឹមគ្រប់ជាន់ ថ្នាក់គឺពួកគាត់បានលះបង់ខ្លាំងណាស់ដើម្បីជួយពលរដ្ឋខ្មែរ។ ដូច្នេះហើយពួកខ្ញុំពិតជាសូមអគុណខ្លាំងណាស់”។

តារាស្រី សួង សាខារ៉ានីតក៏បានបង្ហាញជំនឿរបស់ខ្លួនថា នាងជឿជាក់១០០ភាគរយនឹងអាចកាត់ផ្ដាច់នៃការឆ្លងរីករាលដាលក្នុងពេលឆាប់ៗនេះ។ ម្យ៉ាង ទៀតអ្វីដែលសំខាន់សូមបងប្អូនដែលបានឆ្លងហើយត្រូវតែពង្រឹងស្នារតីមើលថែព្យាបាលយកឈ្នះជំងឺនេះឱ្យបាននោះ វាមិនអាចសម្លាប់យើងបានទេ។ ដូច្នេះសូមចូលរួមទប់ស្កាត់ទាំងអស់គ្នា អនុវត្ត ៣កុំ៣ការពារ តាមការណែនាំរបស់រាជរដ្ឋាភិបាល៕

អត្ថបទ៖ ចាន់រ៉ា