Connect with us

ជីវិតកម្សាន្ដ

ក្រោយម្ចាស់ពានរង្វាន់​Cambodian Got Talent​ ចេញវីដេអូឈឺចាប់ លោក គួច ខេ​វិ​ន ពន្យល់​ច្បាស់ៗ​ជុំវិញ​រឿងរ៉ាវ​មួយចំនួន​​

បានផុស

នៅ

ផលិតករ​កម្មវិធី​ទូរទស្សន៍​ល្បីឈ្មោះ​លោក គួច ខេ​វិ​ន បាន​ចេញមុខ​បកស្រាយ​ និង​លម្អិត​នូវ​រឿង​រ៉ាវ​មួយចំនួន​ស្ថិតក្នុង​រង្វង់​សិល្ប​:​ ដែល​កន្លងមក​មិនត្រូវ​បាន​ទស្សនិកជន​ ឬ​សិល្ប​:​ឯទៀត​ធ្លាប់​ដឹង​ឡើយ​។​

ការចេញមុខ​មក​ពន្យល់​ដោយមាន​ខ្លឹមសារ​វែង​អ​ន្លាយ​ពី​សំណាក់​លោក គួច ខេ​វិ​ន នេះ​ គឺធ្វើឡើង​ស្រប​ពេលដែល​ផ្ទុះ​នូវ​រឿងរ៉ាវ​ខ្លះៗ ​របស់​តារាចម្រៀង​លោក យឿន ពិសី​ពិ ដែលជា​ម្ចាស់​ពាន​នៃ​ការប្រឡង​កម្ម​វិធី​Cambodian Got Talent​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយ​:​ខ្លឹមសារ​របស់លោក គួច ខេ​វិ​ន បាន​លើកឡើង​ថា ​ផ្ញើ​ចំពោះ​ប្អូន យឿន ពិសី ជាទី​ស្រឡាញ់​រាប់​អាន តាមពិតទៅ​បង​មាន​ក្តី​អាណិតអាសូរ​ចំពោះប្អូន​ជា​ពន់ពេក ​បុន្តែ​ប្អូន​ទំនងជា​មិនបាន​ស្វែង​យល់​ឲ្យច្បាស់​ជាមុន អំពី​ពានរង្វាន់​របស់​ប្អូន​ មុននឹង​ប្អូន​ធ្វើការ​ឡាយ​ស្រែក​ទ្រហោយំ​នៅលើ​ផេក​របស់​ប្អូន​។​ ប្អូន​គឺជា​ជ័យលាភី​នៃ​កម្មវិធី​លំដាប់​ពិភព​លោក​Cambodian Got Talent​ ដែលជា​កម្មវិធី​ ឬ​ជា​វេទិកា​បង្ហាញ​សមត្ថភាព​ ទេពកោសល្យ​ទូទៅ អ្នក​ដែលមាន​ទេពកោសល្យ​លើសគេ​ នឹង​អាច​ទទួល​បាន​ចំណាត់ថ្នាក់​ជា​ជ័យលាភី​តែប៉ុណ្ណោះ​ គឺ​វា​មិន​ដូច​កម្មវិធី​The Voice of Cambodia​នោះ​ឡើយ ។​

លោក​ថា​ TheVoice of Cambodia​ គឺ​គេ​សំដៅទៅលើ​សម្លេង​ កាយវិការ បូកផ្សំ​ទៅលើ​រូបសម្បត្តិ​ថែម​ទៀតផង​។​ បង​ធ្លាប់បាន​ផលិតកម្ម​វិធី​ប្រកួត​ប្រជែង​ជាច្រើន​រាប់​ភ្លេច ​ដូច្នេះ​ប្អូន​ត្រូវ​ចាំ​ថា ​ការប្រកួត​ប្រជែង​គឺ​គ្រាន់តែ​ជា​វេទិការ ស្ទាបស្ទង់​សមត្ថភាពរបស់​ប្អូន​តែប៉ុណ្ណោះ​ មិនមែន​មានន័យថា​ បាន​ទទួល​ជ័យលាភី​ហើយ​ ត្រូវ​អង្គុយ​ហៃអើ​ទេ ​វា​គ្រាន់តែ​ជា​ឱកាស​ចាប់ផ្តើម​របស់​ប្អូន​ ហើយ​ត្រូវ​បន្ត​ហ្វឹកហាត់​ដើម្បី​លោត​ចូលទៅក្នុង​ទីផ្សារសេរី​តែប៉ុណ្ណោះ​។​

លោក គួច ខេវិន បន្តថា ​ទូរទស្សន៍​ គឺ​គ្រាន់តែ​ជា​កន្លែង​ផលិ​ត​កម្មវិធី​ និង​ផ្សព្វផ្សាយ​តែប៉ុណ្ណោះ​ អ្វីៗ​គឺ​ត្រូវ​ពឹងផ្អែកទៅលើ​អ្នក​ឧបត្ថម្ភ​កម្មវិធី​(sponsore)​ ហេតុដូច្នេះឲ្យតែ​អ្នក​ឧបត្ថម្ភ​ហាមាត់​ថា​ ទៅ​លិច​គឺ​លិច ថា​ទៅ​កើតគឺ​កើត​ហើយ​ ដល់​តែ​អ៊ីចឹងទៅ​ អ្នក​ផលិត ឬ​អ្នកដឹកនាំ​កម្មវិធី​នាបច្ចុប្បន្ន​ ប្រៀប​ដូច​ជា​អាមោក​អញ្ចឹង​ដែរ​ បើ​ហ៊ាន​តែ​តមាត់​ច្រើន​ គឺ​ត្រូវគេ​ធ្វើ​ស៊ី​ជាក់​ជាមិនខាន​ឡើយ ​ដោយសារតែ​អ្នក​ឧប​ត្ថ​ម្ភ​កម្មវិធី​ជា​អ្នកបញ្ជា​ចង្កូត​ទទឹងទទែង ​ច្រង៉េង​ច្រង៉ាង​យ៉ាង​ដូច្នេះ ​ទើបបានជា​កម្មវិធី​របស់​ទូរទស្សន៍​ខ្លះ​ បាន​ចំណាយលុយ​អស់​រាប់ពាន់​ រាប់ម៉ឺន​ដុល្លារ តែ​គ្មានអ្វី​ប្លែក​វា​ដដែលៗ ​គ្មាន​អ្នក​ចាប់​អារម្មណ៍ ​គ្មាន​អ្នកតាមដាន ឯ​ចំនួន​អ្នកមើល​មិន​ស្មើ​ទៅនឹង​អ្នក​ឡាយ​លក់​ឡេ​ជេរបញ្ចោរ​គ្នា​ផង ​ឬក៏​មិន​ស្មើនឹង សុខា ត្រូវគេ​ទះកំផ្លៀង​នោះ​ឡើយ​។​​

លោក​និយាយទៀតថា​ ហេតុនេះហើយ​មិនបាច់​ឆ្ងល់​ទេ​ Sponsor​គឺជា​ក្មេងៗ​ជំនាន់​ក្រោយ​ សូម្បីតែ​វប្បធម៌ ប្រពៃណី ឬក៏​គុណធម៌​របស់​ខ្មែរ​យើង ​ក៏​ពួក​គេ​មិនបាន​ស្វែងយល់​ផង​ ពេលខ្លះ​សូម្បីតែ​កម្ម​វិធី​បុណ្យជាតិ ក៏​ពួកSponsor សុំ​ដក​កម្មវិធីមិនព្រម​ធ្វើ​ដែរ ដោយ​គិតថា ​គ្មាន​អ្នកណា​មើល​ប៉ុន្តែ​បើ កម្មវិធី​បុណ្យ​អន្តរជាតិ​គេ​វិញ​ គឺ​ពួក​Sponsors​នឹង​ប្រជុំ​ក្បាល​គ្នាដ​ណ្តើម​ធ្វើ ដូច្នេះ​កុំថាឡើយ​ប្អូន​ សូម្បី​តែ​លោក ណូយ វ៉ាន់ណេត ក៏​ពួកក្មេង​អស់ហ្នឹង​មិន​ស្គាល់​គាត់​ផង​។​

លោក គួច ខេ​វិ​ន បន្ថែមថា​ ពួកគេ​ស្គាល់​តែ​ចំនួន​អ្នក​ទស្សនា​(Viewers)​ឡើង​KK​ ហើយ​គេ​គឺជា​អ្នក ឧបត្ថម្ភ​នៃ​កម្មវិធី​ គឺ​គេ​អាច​កុម្ម៉ង់​ប្រធាន​កម្មវិធី​ និង​T V​បាន បើ​មិន​ដូច្នេះ​ទេ មិន​ធ្វើតាម​អាច​បាត់បង់​Sponsor​ភ្លាមៗ​៕

អត្ថបទ ៖ ចាន់​រ៉ា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម