ជីវិតកម្សាន្ដ

សិល្បការិនីផ្នែកស្មូតដ៏ល្បីដែលមានងារ «សម្រែកថ្គាមហ៊ឹង» ទទួលមរណភាពហើយក្នុងវ័យ៦៨ឆ្នាំ

បានផុស

៤ years មុន

នៅ

ថ្ងៃចន្ទ ១១ តុលា ២០២១

ដោយ

លោកស្រី អ៉ឹម ថុល ដែលជាសិល្បការិនីផ្នែកស្មូតដ៏ល្បីប្រចាំប្រទេសកម្ពុជាមានងារថា សម្រែកថ្គាមហ៊ឹងបានទទួលមរណភាពហើយក្នុងវ័យ៦៨ឆ្នាំ ដោយរោគាពាធ។ នេះបើយោងតាមក្រុងព្រះសូរិយា។

ដំណឹងមរណ:ទុក្ខដ៏សោកសៅ និងក្រៀមក្រំបំផុតសម្រាប់ក្រុមគ្រួសារលោកស្រី អ៉ឹម ថុល នេះដែរ បានធ្វើឲ្យមហាជននិងអ្នកសិល្ប:ជាច្រើនបានសម្តែងការសោកស្តាយជាពន់ពេក ព្រមជាមួយការផ្ញើសារចូលរួមរំលែកទុក្ខនេះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី អ៉ឹម ថុល គឺត្រូវបានគេស្គាល់ថា ជាសិល្បការិនីឯកផ្នែកស្មូតប្រចាំកម្ពុជា ដែលលោកស្រីមានទឹកដមសំនៀងពីរោះឯក និងបច្ចេកទេសខ្ពស់ណាស់ខាងផ្នែកស្មូត។ ប្រភពបានបញ្ជាក់ឲ្យដឹងថា លោកស្រីបានទទួលមរណភាពកាលពីថ្ងៃទី០៣ ខែតុលា ឆ្នាំ២០២១កន្លងទៅនេះ។

ចំណែកពិធីបុណ្យសពរបស់លោកស្រីបានប្រារព្ធធ្វើឡើងរួចរាល់ហើយនៅគេហដ្ឋានលោកស្រី ក្នុងភូមិជ្រៃកោង សង្កាត់ស្លាកែត ក្រុងបាត់ដំបង ខេត្តបាត់ដំបង។

សូមបញ្ជាក់ថា អស់រយ:ពេលជាង៣ទសវត្សមកហើយ គឺតាំងពីដើមទសវត្ស៩០ ដែលមហាជនបានឮសំឡេងលោកស្រីជារឿយៗ នៅពេលបងប្អូនប្រជាជនខ្មែរយើងធ្វើពិធីបុណ្យទានបែបព្រះពុទ្ធសាសនាទាំងក្នុងក្រុង និងតាមទីជនបទ ទូទាំងប្រទេសដូចជា,បុណ្យសព ,បុណ្យបច្ច័យបួន ,បុណ្យផ្កា ,បុណ្យកឋិន ជាដើម ៕

អត្ថបទ៖ ចាន់រ៉ា