តួ Ali ក្នុងរឿង “Squid Game” រងសម្ពាធខ្លាំង កំលុងពេលសម្ដែង

តារា​សម្ដែង​ឥណ្ឌា Anupam Tripathi ដែលដើរតួជា Ali ​​ក្នុង​ខ្សែភាពយន្ត “Squid Game” ទទួលបានប្រជាប្រិយភាពខ្លាំងឡើងៗ បន្ទាប់ភាពយន្តនេះចាក់បញ្ចាំង ខណៈលោកបានទម្លាយអារម្មណ៍តានតឹងមួយចំនួន កំលុងពេលសម្ដែង។

តាមរយៈបទសម្ភាសន៍ ក្នុងកម្មវិធីទូរទស្សន៍របស់ MBC “Radio Star” កាលពីថ្ងៃទី១ ខែធ្នូ Ali បានរៀបរាប់ពីសម្ពាធផ្លូវអារម្មណ៍ក្នុងពេលសម្ដែង “Squid Game” របស់ Netflix ដែលបានចាក់ផ្សាយកាលពីថ្ងៃទី ១៧ ខែកញ្ញា ឆ្នាំ២០២១ កន្លងទៅ។

តួអង្គ Ali រូបនេះ និយាយថា លោកចាំមិនភ្លេចនោះទេ ពេលសម្ដែងជា Player 199។ លោកពិតជាចូលចិត្តតួអង្គនេះ វាពិតជារំភើប ហើយតាមរយៈតួនេះដែរ ​​ជីវិត​របស់​លោកផ្លាស់​ប្តូរជាច្រើន។

ទន្ទឹមនឹងនេះ លោកក៏រងសម្ពាធខ្លាំងណាស់ដែរ ព្រោះ​ត្រូវ​សម្ដែង​ជាមួយរៀមច្បងជើងចាស់លោក Lee Jung Jae និងតារាម៉ូឌែលល្បីឈ្មោះ កញ្ញា Park Hae Soo។ Ali ​ព្រួយ​បារម្ភ​ផង និងភ័យផង ដោយខ្លាចថា សម្ដែងមិនបានល្អ។

ទោះយ៉ាងណា ក្រោយភាពយន្តនេះចេញផ្សាយ តួអង្គ Ali មានសន្ទុះគាំទ្រខ្លាំងលើសមត្ថភាពសម្ដែង និងត្រូវផលិតករនានា ទាក់ទងថតរឿងជាបន្តបន្ទាប់។

គួររំលឹកថា ក្នុងខ្សែភាពយន្ត “Squid Game” លោក Anupam Tripathi ដើរតួជា Ali ដែលជាកម្មករចំណាកស្រុកប៉ាគីស្ថាន និងត្រូវបានថៅកែកេងប្រាក់ខែ ទើបលោកបង្ខំចិត្តចូលលេងហ្គេមរមណៈ ចោលប្រពន្ធដែលកំពុងមានផ្ទៃពោះ។ ក្នុងនោះ Ali​ មិនទទួលបានជោគជ័យលើការប្រកួតប្រជែងនោះទេ លោកបានស្លាប់ក្នុងហ្គេមទី៤៕

ប្រែសម្រួល៖ ​សន្យា

ចុចអាន៖ តួឯកប្រុស “Squid Game” តាមពិតជាម្ចាស់ជំនួញធំៗរហូតដល់ទៅ ៣

ចុចអាន៖ ចុងឆ្នាំមិនដឹងទៅណា! មកមើលរឿងភាគកូរ៉េល្បីៗ កំពុងចាក់បញ្ចាំងទូទាំងពិភពលោក