ក្រោយរងការរិះគន់ អ្នកដឹកនាំរឿង «Squid Game» ប្រាប់មូលហេតុនាំឲ្យតួស្លាប់ទាំងអស់

កាលពីថ្ងៃទី ២៧ ខែមិថុនា ភាពយន្ត «Squid Game វគ្គ៣» ត្រូវបានចេញផ្សាយជាសាធារណៈ បន្ទាប់ពីពាក់កណ្តាលឆ្នាំនៃការផ្សាយផ្នែកទី២ (ចុងខែធ្នូ ២០២៤) ។ វាក៏ជារដូវកាលចុងក្រោយនៃស៊េរីពេញនិយមបំផុតរបស់ Netflix គ្រប់ពេលវេលាផងដែរ។ យ៉ាងណា ទស្សនិកជនជាច្រើនមានការខកចិត្ត ព្រោះនៅទីបញ្ចប់តួអង្គទាំងអស់បានស្លាបគ្មានសល់ម្នាក់ រហូតធ្វើឲ្យអ្នកទស្សនាមិនសប្បាយចិត្តនឹងការដឹកនាំរឿងនេះឡើយ។

ទោះបីជាអ្នកដឹកនាំរឿង Hwang Dong Hyuk បានប្រាប់ថា ខ្សែភាពយន្តនេះនឹងបញ្ចប់ដោយភាពរីករាយក៏ដោយ ប៉ុន្តែអ្នកទស្សនានៅតែភ្ញាក់ផ្អើលជាមួយនឹងភាពឃោរឃៅនៃវគ្គចុងបញ្ចប់នេះ។ ស្ទើរតែគ្រប់គ្នាបានស្លាប់ រួមទាំងតួឯកប្រុស Seong Gi Hun សម្ដែងដោយ Lee Jung Jae ផងដែរ។

ទស្សនិកជនជាច្រើនមានការខកចិត្ត ព្រោះនៅទីបញ្ចប់មិនត្រឹមតែជនកំណាចមិនត្រូវបានទទួលទោសនោះទេ ប៉ុន្តែគាត់ក៏រស់នៅបានល្អ និងបន្តអភិវឌ្ឍហ្គេមដ៏សាហាវហួសព្រំដែនប្រទេសកូរ៉េ។ ពួក​គេ​បាន​ហៅ​វា​ថា​ ជា​ការ​បញ្ចប់​ដ៏​អាក្រក់ ដោយ​និយាយ​ថា ​តួ​ប្រុស​គួរ​តែ​បាន​រួច​ជីវិត​ហើយ​មាន​ជីវិត​ប្រសើរ​ជាងនេះ។

ទោះជាយ៉ាងណាក៏ដោយ អ្នកដឹកនាំរឿង Hwang Dong Hyuk មិនគិតដូច្នេះទេ។ គាត់ជឿថា នោះគឺជាការបញ្ចប់ដ៏សមហេតុផលបំផុត ដោយផ្អែកលើការអភិវឌ្ឍន៍ផ្លូវចិត្តរបស់តួអង្គ ក៏ដូចជាការពិតក្នុងសង្គម។ សម្រាប់ផលិតករភាពយន្តកូរ៉េ ជាបុគ្គលដែលជួបការលំបាកដោយមិនមានអំណាចក្នុងការផ្លាស់ប្តូរស្ថានការណ៍សង្គមអវិជ្ជមាន អ្វីដែលពួកគេអាចធ្វើបានគឺរក្សាខ្លួនឯងពីការរួមរស់។

នៅក្នុងការសន្ទនាជាមួយ Lee Jung Jae និង Lee Byung Hun (ដែលលេង Frontman ឬអ្នកដឹកនាំហ្គេមមឹក) នៅលើ Netflix អ្នកដឹកនាំរឿង Hwang បាននិយាយថា គាត់មានការព្រួយបារម្ភយ៉ាងខ្លាំងអំពីពេលវេលាចុងក្រោយនៃតួអង្គអ្នកលេងលេខ ៤៥៦។

ទាក់ទងនឹងពាក្យចុងក្រោយរបស់តួ Gi Hun មុនពេលធ្វើអត្តឃាតថា យើងមិនមែនជាសេះ យើងជាមនុស្ស លោក Hwang បានបង្ហើបថា គាត់ចង់សរសេរវាទាំងស្រុងថា ដោយសារតែយើងជាមនុស្ស មនុស្សគួរតែធ្វើបែបនេះ មនុស្សយើងគួរតែរស់នៅបែបនេះ។ មានតែធ្វើដូច្នេះទេ ពិភពលោកនេះនឹងកាន់តែប្រសើរឡើង។

ទោះជាយ៉ាងណាក៏ដោយ ខណៈពេលដែលកំពុងសរសេរស្គ្រីប គាត់បានដឹងថា បន្ទាត់មួយមិនអាចបង្ហាញអត្ថន័យនោះបានពេញលេញនោះទេ ព្រោះមនុស្សគឺស្មុគស្មាញពេកដែលមិនអាចកំណត់បានច្បាស់លាស់។ គាត់មានការព្រួយបារម្ភថា ការបញ្ជូនសារផ្លូវការហួសហេតុពេកអាចកំណត់សារដែលភាពយន្តចង់បង្ហាញ។ ដូច្នេះហើយ លោក​ទុក​ឲ្យ​ពាក្យ​ដែល​នៅ​សេសសល់​នោះ​ចេញ​ជា​រូបរាង តាមរយៈ​ទង្វើ​របស់តួ Gi Hun ដែល​លះបង់​ជីវិត​ដើម្បី​សង្គ្រោះ​កុមារ​។

ចំណែកលោក Lee Byung Hun វិញ លោកបាននិយាយថា ក្នុងដំណើរការថតភាពយន្ត លោកបានពិភាក្សាយ៉ាងល្អិតល្អន់ជាមួយអ្នកដឹកនាំរឿងជាច្រើនដង ដើម្បីយល់ច្បាស់ពីគំនិតរបស់ Frontman ។ គាត់ជឿថានៅពេលដែល Frontman ស្នើទៅ VIPs ឲ្យកុមារចូលរួមជាអ្នកលេង២២២ ក្នុងកម្រិតខ្លះ តួអង្គពិតជាយកចិត្តទុកដាក់ និងចង់ជួយសង្គ្រោះកុមារ។

អ្នកដឹកនាំរឿងបានពន្យល់ថា ឈុតដែល Frontman យកលុយ Gi Hun ទាំងអស់ពី Motel (នៅដើមវគ្គ ២) ដាក់ចូលក្នុងគណនីដែលភ្ជាប់ជាមួយកាតធនាគារ ហើយបន្ទាប់មកទៅបញ្ហានៃការប្រគល់កាតទៅកូនស្រី Gi Hun ឈ្មោះ Ga Yeong រួមជាមួយនឹងឯកសណ្ឋាន ៤៥៦ មានឈាម ឆ្លុះបញ្ចាំងពីភាពស្មុគស្មាញនៃតួអង្គ បើទោះជាគាត់ជាមនុស្សកំណាចក៏ដោយ គាត់នៅតែតស៊ូជាមួយមនុស្សអាក្រក់៕

អត្ថបទ៖ សាង ស្រីល័ក្ខ

ចុចអាន៖អ្នកលួចចូល​ផ្ទះ​ Jungkook ប្រឈមការ​ចោទ​ប្រកាន់​ឧក្រិដ្ឋកម្ម