Justin Bieber ឆ្លងកូវីដ ក្រោយចាប់ផ្តើមការប្រគំតន្ត្រីទេសចរណ៍ មួយថ្ងៃ

តារាចម្រៀងប៉ុបជនជាតិកាណាដា Justin Drew Bieber បានធ្វើតេស្តវិជ្ជមានជំងឺកូវីដ១៩, មួយថ្ងៃបន្ទាប់ពីគាត់ចាប់ផ្តើមការប្រគំតន្ត្រីទេសចរណ៍ពិភពលោកនៅទីក្រុង San Diego កាលពីថ្ងៃសុក្រទី១៨ខែកុម្ភៈ។

ការសម្តែងនៅ T-Mobile Arena ក្នុងទីក្រុង Las Vegas ដែលគ្រោងធ្វើឡើងនៅថ្ងៃអាទិត្យ ត្រូវបានពន្យារពេលដល់ថ្ងៃទី២៨ខែមិថុនាវិញ។ នេះបើយោងតាមសេចក្តីថ្លែងការណ៍នៅលើប្រព័ន្ធផ្សព្វផ្សាយសង្គមពីសំណាក់តំណាងរបស់ Justin។

ការប្រគំតន្ត្រីលើកទី៣នៃដំណើរទេសចរណ៍នេះនៅ Gila River Arena ក្នុងទីក្រុង Glendale រដ្ឋ Arizona នៅថ្ងៃអង្គារ ក៏ត្រូវបានពន្យារទៅដល់ចុងខែមិថុនាផងដែរ។

សេចក្តីថ្លែងការណ៍បាននិយាយថា “ជាការពិតណាស់ Justin មានការខកចិត្តយ៉ាងខ្លាំង ប៉ុន្តែសុខភាព និងសុវត្ថិភាពរបស់ក្រុមការងារ និងអ្នកគាំទ្ររបស់គាត់គឺតែងតែជាអាទិភាពទី១”។

ទោះបីជាយ៉ាងណាក៏ដោយ តំណាងរបស់តារាចម្រៀងរូបនេះ បានបដិសេធធ្វើអត្ថាធិប្បាយថាតើសមាជិកផ្សេងទៀតនៃយុទ្ធនាការនេះ ក៏បានធ្វើតេស្តវិជ្ជមានកូវីដដែរឬក៏អត់៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ លេចមុខក្នុងវិស័យម៉ូដប៉ុន្មានឆ្នាំ ប្រពន្ធ Justin Bieber រកបានខ្ទង់លានដុល្លារ