Connect with us

ជីវិតកម្សាន្ដ

រឿងភាគចិនមួយត្រូវដកចេញពីប្រព័ន្ធផ្សព្វផ្សាយ ក្រោយបង្ហាញឈុតលូកចាប់សុដន់តួស្រី

បានផុស

នៅ

រឿងភាគទូរទស្សន៍ចិនមួយនិយាយអំពីខ្សែជីវិតនៅទីក្រុងរបស់បុរស៤នាក់ ត្រូវបានដកចេញពីគេហទំព័រផ្សាយតាមអ៊ីនធឺណិត បន្ទាប់ពីរងការរិះគន់យ៉ាងចាស់ដៃពាសពេញប្រទេស ចំពោះឈុតលូកចាប់សុដន់តួស្រី និងសាច់រឿងស្រើបស្រាលហួសហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែភាពយន្តរឿង “Gentlemen of Eastern 8th” គឺជារឿងភាគទូរទស្សន៍មាន ៤០ភាគ ដែលបានចាក់បញ្ចាំងលើកដំបូងកាលពីថ្ងៃទី៣១ ខែសីហា ឆ្នាំ២០២២ ហើយទើបតែឈានដល់ភាគបញ្ចប់ កាលពីសប្តាហ៍មុន។ ពេលនេះ រឿងភាគនេះត្រូវដកចេញពីបណ្តាញសង្គម បន្ទាប់ពីមានប្រតិកម្មខ្លាំងៗពីមហាជនថា រឿង “Gentlemen of Eastern 8th” បានបង្កឱ្យមានអំពើបៀតបៀនលើស្ត្រីភេទ និងធ្វើឱ្យមនុស្សស្រីរាប់សិបនាក់ផ្សេងទៀតរងភាពអាម៉ាស់។

រឿង​នេះ​បាន​សម្ដែង​ដោយ​តារា​សម្ដែង​ចិន​ដ៏​ល្បី​ឈ្មោះ Zhang Han ដែលលោកក៏ជា​អ្នក​ផលិតករ និង​ជាសហអ្នកនិពន្ធមួយរូប​ផង​ដែរ។  ក្រោយរងការរិះគន់មិនសំចៃ រឿងភាគទូរទស្សន៍មួយនេះ ត្រូវបានដកចេញភ្លាមៗពីគេហទំព័រចាក់ផ្សាយធំៗក្នុងប្រទេសចិនតែម្ដង។

គួរបញ្ជាក់ដែរថា រឿង “Gentlemen of Eastern 8th” បានចាក់ផ្សាយដំបូងនៅលើទូរទស្សន៍ផ្កាយរណប Hubei ជាមួយនឹងពិន្ទុវាយតម្លៃ ២.១/១០ ពីទស្សនិកជនជាង ១៩០,០០០ នៅលើ Douban ហើយបានក្លាយជារឿងភាគទូរទស្សន៍ចិនដែលអន់បំផុតមិនធ្លាប់មាន៕

ប្រែសម្រួល៖ សន្យា

ចុចអាន៖ ធ្លាយពាក្យចចាមអារ៉ាម អតីតស្វាមី Angelina សាងស្នេហ៍លួចលាក់ជាមួយស្ត្រីមេម៉ាយម្នាក់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម