ក្រសួងវប្បធម៌ កូរ៉េខាងត្បូង ពិចារណាលើកលែងក្រុម BTS ពីការចូលបម្រើកងទ័ព

រដ្ឋមន្ត្រីក្រសួងវប្បធម៌កូរ៉េខាងត្បូងលោក Park Bo-gyoon បាននិយាយកាលពីថ្ងៃពុធថា ក្រសួងកំពុងតែកំណត់ថាតើនឹងត្រូវផ្តល់ការលើកលែងដល់សមាជិក BTS ពីការចូលបម្រើយោធានៅខែធ្នូខាងមុខឬយ៉ាងណា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងការឆ្លើយតបទៅនឹងសំណើរបស់តំណាងរាស្រ្តលោក Lee Yong-ho មកពីគណបក្សដែលកំពុងកាន់អំណាចឲ្យពិចារណានឹងសំណើមួយនេះ, លោក Park Bo-gyoon បាននិយាយថា “ក្រសួងនឹងកំណត់ជំហររបស់ខ្លួនឲ្យបានឆាប់តាមដែលអាចធ្វើទៅបានចំពោះបញ្ហានៃការលើកលែងចូលបម្រើយោធារបស់ BTS បន្ទាប់ពីសមាជិកចាស់ Jin នឹងត្រូវបញ្ចប់តួនាទីមួយនេះនៅក្នុងខែធ្នូខាងមុខ”។

គួរបញ្ជាក់ថា នៅក្នុងប្រទេសកូរ៉េ បុរសទាំងអស់ដែលមានកាយសម្បទាគ្រប់គ្រាន់គឺតម្រូវឲ្យចូលបម្រើក្នុងជួរកងទ័ពរយៈពេលប្រហែល ២ ឆ្នាំ នៅពេលពួកមានអាយុ ២៨ ឆ្នាំ។

ប៉ុន្តែនៅពេលបច្ចុប្បន្នមានការកែប្រែច្បាប់មួយចំនួន ពោលលើកលែងចំពោះអត្តពលិកដែលឈ្នះពានរង្វាន់ជាសាកល និងសិល្បករ K-pop ដែលបានកសាងស្នាដៃ ក៏ដូចជាលើកមុខមាត់ប្រទេសជាតិក្នុងការប្រកួតលើឆាកអន្តរជាតិជាដើម ។

យ៉ាងណាមិញ ក្នុងការពិចារណារនេះគឺអាចជួយឲ្យសិល្បករ K-pop ជំនាន់ក្រោយមានឱកាសក្នុង ការសាងស្នាដៃ និងលើកមុខមាត់ប្រទេសជាតិលើឆាកអន្តរជាតិដើម្បីរួចផុតពីកាតព្វកិច្ចចូលបម្រើយោធារបស់ពួកគេ ៕

ប្រែសម្រួលដោយ ៖ នាងតូច

ចុចអាន៖Jisoo នឹងក្លាយជាទូតសុឆន្ទៈឲ្យម៉ាកយីហោគ្រឿងអលង្ការដ៏ល្បីមួយរបស់ បារាំង