ជីវិតកម្សាន្ដ

ទម្លាយរូបថត Pre-wedding គូស្នេហ៍ Mawin ក្រោយភ្ជាប់ពាក្យ តាំងពីដើមឆ្នាំ ២០២១

បានផុស

២ years មុន

នៅ

ថ្ងៃពុធ ១២ តុលា ២០២២

ដោយ

គូស្នេហ៍ថ្មីថ្មោង Mawin និងភិរិយា Piyawadee បានលេចចេញរូបថត Pre-wedding ក្រោយអាពាហ៍ពិពាហ៍ដ៏អធិកអធមនេះ ទើបតែបញ្ចប់ទៅថ្មីៗមិនទាន់បានប៉ុន្មានផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីថ្ងៃម្សិលមិញនេះ ក្រុមអ្នកថតរូបពិសេស Small moon photo បានបញ្ចេញរូបថត Pre-wedding ដ៏គួរឲ្យស្រលាញ់ច្រើនសន្លឹក បង្ហាញដល់មហាជនជាច្រើនបានទស្សនាពេញៗភ្នែក អមជាមួយសំណេរយ៉ាងផ្អែមល្ហែមថា #smallmoonprewedding របស់តារាសម្ដែង Mawin និងភិរិយា Piyawadee រូបថតមួយឈុតនេះ ថតក្នុងស្ទូឌីយ៉ូរបស់យើង គំនិតនៃការថតរូបបែបជីវិតគឺជាថ្ងៃធម្មតា សប្បាយៗ និងផ្ដោតលើអារម្មណ៍។

ក្រោយបង្ហោះមិនបានប៉ុន្មានផង ហ្វេនៗរបស់តារាប្រុសស្រីរូបនេះជាច្រើន បាននាំគ្នាចូលទៅបញ្ចេញមតិលាន់មាត់សរសើរថា ស្ទាយថតរូបសាមញ្ញខ្លាំង និងដូចជាក្នុងរឿងភាគកូរ៉េច្បាស់ៗ រហូតធ្វើឲ្យគ្រប់គ្នានៅចងចាំរូបភាពក្នុងពិធីដែលពោរពេញទៅដោយភាពកក់ក្ដៅ និងការសប្បាយរីករាយ ក្រោមការចូលរួមពីតារាជួរមុខជាច្រើនផងដែរ។

លើសពីនេះ កូនក្រមុំក៏ស្អាត ហើយកូនកំលោះក៏សង្ហាដែរ និងពិតជាស័ក្ដិសមនឹងគ្នាបំផុត ហើយអ្វីដែលគួរឲ្យរំភើបចិត្តបំផុត នោះគឺឈុតអាពាហ៍ពិពាហ៍របស់កូនក្រមុំដែលតុបតែងដោយពេជ្រពិតៗតម្លៃជាង១០០លាន។ ទោះបីជាព្រឹត្តិការណ៍នេះត្រូវបានបញ្ចប់ក៏ដោយ ក៏ការចាប់អារម្មណ៍នៅតែមានលើអ៊ីនធឺណិតដដែល។

គួរបញ្ជាក់ដែរថា ពិធីមង្គលការរបស់តារាសម្ដែង Marwin និង Tu Piyawadee បានប្រារព្ធធ្វើឡើងកាលពីថ្ងៃទី ០៩ ខែតុលា ឆ្នាំ២០២២កន្លងទៅ បន្ទាប់ពីអ្នកទាំងពីរបានភ្ជាប់ពាក្យនិងធ្វើពិធីផឹកតែកាលពីខែមករា ឆ្នាំ ២០២១ ប៉ុន្តែដោយសារការផ្ទុះឡើងនៃវីរុសកូវីដ ទើបត្រូវលើកពេលរៀបការមកទល់ពេលនេះ៕