Patricia Good ទម្លាយថា មិនធ្លាប់ចង់រៀបការជាមួយមិត្តប្រុសហៃសូនៅអាយុ ២៥ ឆ្នាំទេ

តារាសម្ដែង Patricia Good បានបើក​ចំហអំ​ពី​ជីវិត​ក្រោយ​រៀបអាពាហ៍ពិពាហ៍​ជាមួយ​ស្វាមី​ហៃសូ Note Wiset Rangsi Singpipat ក្នុងកម្មវិធី 3 saab នាងមិន​ដែល​ដាក់​គោលដៅថា នឹង​ត្រូវរៀបការ​នៅ​អាយុ ២៥ ឆ្នាំ​ទេ។

ស្របពេលដែលតារាសម្ដែងរូបនេះបាននិយាយទៀតថា ប៉ុន្តែ​គិត​ថាចង់​មាន​ស្នេហា​​ ព្រោះពេលមិត្តប្រុស​សុំ​រៀប​ការ​គឺមិនមែនតែម្ដងទេ។ ក្នុង​ដំណើរ​កម្សាន្ត​នៅ​ក្រៅ​ប្រទេស​ គាត់បានធ្វើឲ្យភ្ញាក់ផ្អើល​ជា​ច្រើន​ដង រហូត​ដល់​ទី​បញ្ចប់គាត់បាន បង្កការភ្ញាក់ផ្អើល​ដោយ​ជោគជ័យ។

យ៉ាងណាមិញពេលនិយាយពីជីវិតក្រោយរៀបការ នាងប្រាប់ថាចំពោះ​ការ​សម្រប​ខ្លួន​ក្រោយ​រៀប​ការ​ Patricia ​គឺ​ដូច​គ្នា​ ព្រោះ​អំឡុង​ពេល​កូវីដ យើង​នៅ​ជាមួយ​គ្នា​ច្រើន ​មាន​រឿងខ្លះ​យើង​ព្យាយាម​កែសម្រួល ពេលខ្លះ​ស្ទើរតែដូចគ្នាគ្រប់យ៉ាង។ គាត់តែងមើលថែនាង ដោយសារតែគាត់មានគំនិតចាស់ទុំជាងនាងច្រើន។

ទោះយ៉ាងណា Patricia Good បាននិយាយបន្ថែមទៀតថា “នៅក្នុងបញ្ហាដែលត្រូវកែតម្រូវភាគច្រើនទំនងជាម៉ាស៊ីនត្រជាក់។ គាត់ចូលចិត្តរស់នៅក្នុងភាពត្រជាក់ ប៉ុន្តែខ្ញុំមិនសូវជាចង់បានត្រជាក់ ឬគាត់ចូលចិត្តបើកពន្លឺ បើក iPad ពេលចូលគេង ប៉ុន្តែខ្ញុំចូលចិត្តអ្វីដែលងងឹត និងស្ងប់ស្ងាត់”។​​ ដូច្នេះហើយទើបនាងទម្លាយអារម្មណ៍ពិតថា មិនទាន់ចង់រៀបការនៅអាយុ២៥ឆ្នាំ ព្រោះគិតថាខ្លួនឯងនៅក្មេងពេក ក្នុងទំនាក់ទំនងគូជីវិត៕

ប្រែសម្រួល៖ សាង ស្រីល័ក្ខ

ចុចអាន៖ដៃគូសម្ដែងរឿងដំបូងជាមួយ Aum Patcharapa ពេលនេះក្លាយជាអ្នកនយោបាយ

ចុចអាន៖អ្នកដឹកនាំរឿងប៉ុស្តិ៍លេខ ៣ ទម្លាយរូបភាពអតីតកាលរបស់ Kimberly មើលសឹងមិនស្គាល់