ជីវិតកម្សាន្ដ

ទម្លាយតម្លៃខ្លួន Chompoo ស៊ីថ្លៃខ្ពស់បំផុតក្នុងវិស័យសិល្បៈថៃ

បានផុស

១ ខែ មុន

នៅ

ថ្ងៃព្រហស្បតិ៍ ២ កុម្ភៈ ២០២៣

ដោយ

អតីតតារាសម្តែងស្ថិតក្រោមស្ថានីយ៍ទូរទស្សន៍ប៉ុស្តិ៍លេខ៧ ដែលបច្ចុប្បន្នបានចុះហត្ថលេខានៅក្រោមស្ថានីយ៍ទូរទស្សន៍ប៉ុស្តិ៍លេខ ៣ ត្បិតថាពេលនេះ Chompoo Araya មិនសូវទទួលបានការងារថតភាពយន្តដូចមុនក៏ពិតមែន ប៉ុន្តែនាងមិនបានមុខពីវិថីសិល្បៈនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្ននេះ អ្នកម្តាយកូន៣ Chompoo Araya នៅតែធ្វើពិធីការិនីក្នុងកម្មវិធី 3 zaaap ហើយនាងក៏ឧស្សាហ៍បង្ហោះរូបភាព ដើម្បីអាប់ដេតជីវិតផ្ទាល់ខ្លួនឲ្យអ្នកគាំទ្រទូទាំងប្រទេសថៃបានឃើញជារៀងរាល់ថ្ងៃ។ លើសពីនេះ នាងទទួលបានការងារនៅក្រៅប្រទេសសឹងដកខ្លួនមិនរួច ក្នុងការដើរបង្ហាញម៉ូដឲ្យប្រេនធំៗក្រៅស្រុក ខណៈក្នុងស្រុកនាងទទួលយកតែការផ្សាយពាណិជ្ជកម្មប៉ុណ្ណោះ។

ជាការពិត កម្រិតតម្លៃនៃការសម្ដែងរបស់ Chompoo Araya ពិតជាមិនធម្មតានោះទេ ប្រសិនបើផលិតករចង់បាននាងពួកគេត្រូវចំណាយប្រហែល ៧.៥ ម៉ឺនបាតក្នុងមួយវគ្គ ខណៈថ្លៃធ្វើពិធីការនីត្រូវចំណាយ ៨-១០ លានបាត ឯតម្លៃចូលរួមកម្មវិធីប្រហែល ១.២ ម៉ឺនបាតក្នុងមួយដង ហើយទាំងនេះមិនរាប់បញ្ចូលផ្សេងៗ ទាំងយីហោល្បីៗដែលទាក់ទងទាំងក្នុងស្រុក និងក្រៅស្រុកឡើយ។

ទោះបីមានពាក្យចចាមអារ៉ាមទាក់ទងនឹងតារាសម្ដែង Chompoo Araya ថាស្វាមីលួចផិតក្បត់ចិញ្ចឹមស្រីក្មេងក្ដី ប៉ុន្តែរឿងរ៉ាវទាំងនោះមិនបានធ្វើឲ្យតារាសម្ដែងចាស់វស្សានេះ មានបញ្ហាក្នុងវិស័យសិល្បៈដូចអ្នកផ្សេងទៀតទេ។ ជាពិសេសនៅក្នុងប្រទេសថៃ Chompoo នៅតែទទួលបានការងារគរជើង ចំណែកឯកេរ្តិ៍ឈ្មោះរបស់នាងសឹងថា ជាសេដ្ឋីចាយប្រាក់ទាំងនោះមិនអស់ផង៕