ជីវិតកម្សាន្ដ

តាមពិត Chompoo ធ្លាប់ផ្ដល់បទសម្ភាសន៍ថា នាងទុកចិត្ត Nott ហើយមិនជឿថាស្វាមីក្បត់ចិត្ត

បានផុស

៣ years មុន

នៅ

ថ្ងៃពុធ ១ កុម្ភៈ ២០២៣

ដោយ

ដោយសារតែមានរឿងចម្រូងចម្រាសទាក់ទងនឹង Nott Visrut ទើបតែពេលនេះ មហាជនជាច្រើនបានបើកកកាយពីសំដីដែល Chompoo ធ្លាប់និយាយថា ទុកចិត្តស្វាមី ឲ្យតម្លៃតែអ្វីដែលខ្លួនមើលឃើញ និងមិនអើពើរាល់ពាក្យចចាមអារ៉ាមលើប្រព័ន្ធផ្សព្វផ្សាយសង្គមនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបទសម្ភាស៍កាលពីឆ្នាំ២០១៦ គូស្នេហ៍ Chompoo-Nott ធ្លាប់ជជែកពីប្រធានបទនៃការនិយាយរឿងជនទីបីម្ដងរួចទៅហើយ។ ពេលនោះអ្នកម្ដាយកូន៣រូបនេះ បានផ្ដល់បទសម្ភាសន៍យ៉ាងរីករាយថា នាងមិនមានភាពតានតឹង ឬថប់បារម្ភអ្វីឡើយ ហើយក៏បាននិយាយថា នាងយកចិត្តទុកដាក់លើអ្វីដែលមាន អ្វីដែលឃើញ មិនឲ្យតម្លៃទៅលើការចុះផ្សាយនៅលើពិភពអនឡាញបច្ចុប្បន្ននេះឡើយ។ ប្រសិនបើមានរឿងរ៉ាវបែបនេះ នាងក៏ថាអត់ដឹងបញ្ចេញយោបល់អ្វីទេ ចាត់ទុកថាជារឿងមួយសម្រាប់មនុស្សដែលយកទៅលេង ដើម្បីកម្សាន្តចិត្តទាំងអស់គ្នាប៉ុណ្ណោះ។

យ៉ាងណាមិញ ពិធីករក៏បានសួរបញ្ជាក់នាងទៀតថា តើទុកចិត្តប្ដីឬអត់? Chompoo ក៏និយាយទាំងសើចសប្បាយជាមួយស្វាមីថា “ដូចដែលខ្ញុំបាននិយាយ ប្រសិនបើអ្នកដឹង នោះនឹងឃើញអ្វីដែលខ្ញុំមាន មើលគ្រួសាររបស់ខ្ញុំ មើលអ្វីដែលស្វាមីបានធ្វើសម្រាប់គ្រួសារ ខ្ញុំមិនដឹងថាត្រូវគិតអ្វីឬចំណាយពេលគិតរឿងទាំងនោះ។ យើងនៅជាមួយអ្វីដែលយើងមាន អក្សរដែលសរសេរលើបណ្ដាញសង្គម គ្រាន់តែជាមតិ។ វាអាស្រ័យលើយើង នូវអ្វីដែលយើងឲ្យតម្លៃ។ ពេលយើងបានអ្វីដែលល្អ គួរសរសើរ ខ្ញុំមិនដឹងថាត្រូវសុំអ្វីទៀតជាមួយជីវិតរបស់ខ្ញុំនោះទេ”។

ទោះយ៉ាងណា នេះគ្រាន់តែជាវីដេអូចាស់ៗដែលគូស្នេហ៍ហៃសូ Chompoo-Nott ធ្លាប់ផ្ដល់បទសម្ភាសន៍កន្លងមកប៉ុណ្ណោះ! ចំពោះរឿងរ៉ាវលម្អិតយ៉ាងណាទៀតនោះ មានតែចាំមើលភាគីម្នាក់ណាចេញមុខបកស្រាយឬពន្យល់លម្អិត ឈប់ឲ្យមហាជនមានការមន្ទិលសង្ស័យបន្តទៀត៕