Pinky បើកចិត្តនិយាយរឿងរ៉ាវកើតឡើងក្នុងជីវិត ក្រោយបង្ហាញខ្លួនជាសាធារណៈ

កាលពីព្រឹកមិញនេះ តារាសម្ដែង Pinky Savika បានបង្ហាញវត្តមានក្នុងពិធី​សម្ពោធភាពយន្ត​មួយ​ ​ដោយនាងមានទឹក​មុខ​ញញឹម​ស្រស់ លើកដៃជម្រាប​សួរ​អ្នកគាំទ្រ ​បន្ទាប់ពី​បាត់មុខ​ពី​បណ្ដាញ​សង្គម​មួយ​រយៈ​ធំ​ក្នុង​សំណុំ​រឿង FOREX-3D ។

តាមរយៈ​រូបភាពដែលបានបង្ហោះមុននេះបន្តិច Pinky Savika បាន​បង្ហាញ​ទឹក​មុខរាបសារ​ញញឹមទៅ​កាន់​មហាជន​ជា​ច្រើ​នដែល​នៅ​រង់ចាំ​ជួប​នាង​មកជាយូរ។ លើស​ពី​នេះ​ តារា​សម្ដែង​ដែល​មាន​រឿង​អាស្រូវ​ពាក់ព័ន្ធ​នឹង​សំណុំ​ FOREX-3D រូប​នេះ​​ បាន​ឆ្លើយ​នឹង​សំណួរ​អ្នកសារព័ត៌មាន​ដែល​សួរ​ពី​សុខទុក្ខ​ ខណៈ​នាង​និយាយ​​ថា​ បាន​សម្រប​ខ្លួន​មួយ​រយៈ​ធំ និង​ស៊ាំ​នឹង​បរិយាកាស​បែប​នេះ​ហើយ។ ជាពិសេសនាងក៏បានបង្ហើបថា បច្ចុប្បន្នកំពុងយកព្រះធម៌ជាទីពឹង​​ ដើម្បីរៀនពីជិវិត​ដែលនៅសល់​ ព្រមទាំងសមាធិរំងាប់អារម្មណ៍ថែមទៀតផង។

បន្ថែមពីនេះ Pinky Savika ក៏បាននិយាយទៀតថា នាងមិនមានការ​ព្រួយ​បារម្ភ​អំពី​ការ​ត្រឡប់​មក​ធ្វើ​ការ​ក្នុងវិស័យសិល្បៈនោះទេ។ នាងថា “អត់​មាន​សម្ពាធ​ទេ! ហើយ​ឲ្យ​តែ​ខ្ញុំជឿ​​ថា​ ខ្លួនឯង​ជា​នរណា ជឿថាការពិតគឺជាអ្វីមួយដែលមិនអាចផ្លាស់ប្តូរបាន។ ខ្ញុំត្រូវតែនិយាយថា ខ្ញុំជាមនុស្សបែបនេះ ខ្ញុំនឹងនិយាយថា ខ្ញុំមិនមែនជាអ្នកដែលធ្វើបាបអ្នកណាម្នាក់នោះទេ ដូច្នេះហើយ ពេលខ្លះ វាសនាបានវាយលុករឿងដែលមិននឹកស្មានដល់ក្នុងជីវិតរបស់យើង។ ប៉ុន្តែ​វា​ស្ថិត​នៅ​ក្នុង​ទស្សនៈ​នៃ​ការ​ការពារ ហើយរកមុំពីរបៀបដែលយើងអាចមើលវា ដែលសព្វថ្ងៃនេះចាត់ទុកជីវិតរបស់យើង​ ដូចជារឿងល្ខោន”។

ដោយឡែកកាលពីថ្ងៃទី ០១ ខែកុម្ភៈ ឆ្នាំ ២០២៣ តារាសម្តែងស្រី Pinky Savika ព្រមទាំងមេធាវី បានធ្វើដំណើរទៅតុលាការតាំងពីព្រឹកដោយ​ចូល​ទៅ​តាមទ្វារក្រោយ ហើយ​ដាក់​ញត្តិ​សូមឲ្យ​តុលាការ​មាន​ដីកាដោះ​ខ្សែដៃ EM ដោយសារ​មានភាព​ងាយ​ស្រួល​ចូលសម្ដែងឬចូលរួម​កម្មវិធីផ្សេងៗ​ ដើម្បី​រក​ប្រាក់។ ការពាក់ខ្សែដៃ EM នឹងបង្កបញ្ហាក្នុងការសម្តែង​និងការធ្វើដំណើររបស់នាងយ៉ាងខ្លាំង ដែលនេះបង្ខំអាចធ្វើឲ្យ Pinky មិនមានការងារធ្វើបន្ត។ ក្រោយមកតុលាការ​បាន​ពិចារណា និង​បង្គាប់​ឲ្យ​ដោះខ្សែដៃ EM តាម​ការ​ស្នើ​សុំរបស់នាង៕

ប្រែសម្រួល៖ សាង ស្រីល័ក្ខ

ចុចអាន៖Pinky លេចមុខលើក្របទស្សនាវដ្ដីល្បីមួយ ក្រោយដោះលែងពីពន្ធនាគារ

ចុចអាន៖Mai Davika ឆ្លើយតបយ៉ាងក្ដៅគគុក ក្រោយមានអ្នកមិនអស់ចិត្ត រឿងកែសម្ភស្ស