ជីវិតកម្សាន្ដ

មង្គលការ Ananda សុទ្ធតែតារាល្បីៗប្រចាំប្រទេសថៃ ចូលរួមអបអរ

បានផុស

៣ years មុន

នៅ

ថ្ងៃចន្ទ ២០ កុម្ភៈ ២០២៣

ដោយ

ពិធីមង្គលការរបស់តារាប្រុស Ananda Everingham បានរៀបចំឡើងកាលពីថ្ងៃទី១៩ម្សិលមិញ ក្រោមបរិយាកាសដ៏អធិកអធម ខណៈតារាល្បីៗជាច្រើនបានត្រសងគ្នាចូលរួមក្នុងពិធីនេះយ៉ាងច្រើនកុះករផងដែរ។

បន្ទាប់ពីប្រកាសពីទំនាក់ទំនងគ្នាមួយរយៈ Ananda បានសម្រេចចិត្តរៀបចំមង្គលការដ៏កក់ក្តៅ និងស្រស់ស្អាតជាមួយនឹងអ្នកច្នៃម៉ូដស្រីល្បីឈ្មោះ Nat Nicha ដោយប្រើប្រាស់ទីតាំងមាត់ទន្លេនៃសណ្ឋាគារ Capella ក្រោយខាងប្រុសសុំមិត្តស្រីរៀបការអស់រយៈពេលជាង៦ខែ។

យ៉ាងណាមិញបរិយាកាសក្នុងពិធីមង្គលការ ពិតជាបង្កប់នៅទិដ្ធភាពរ៉ូមែនទិកខ្លាំង ស្របពេលដែលកូនកំលោះ Ananda ស្លៀកឈុតសយ៉ាងសង្ហា ចំណែកកូនក្រមុំ Nat Nicha មកក្នុងសំលៀកបំពាក់ស្អាតនិងសិចស៊ី។ ក្នុងពិធីមង្គលការក៏មានការបាញ់កាំជ្រួចយ៉ាងស្រស់ស្អាត នៅតាមដងទន្លេពោរពេញដោយសុភមង្គល និងសេចក្ដីស្រលាញ់ចំពោះគូស្នេហ៍ថ្មីថ្មោងប្រចាំប្រទេស។

ដោយឡែក គេឃើញមានតារាល្បីៗជាច្រើនបានធ្វើដំណើរទៅចូលរួមកម្មវិធីយ៉ាងច្រើនកុះករ ដូចជារៀមច្បង Nok Sinjai Plengpanich, Tono Phakin, Mario Maurer , baifern pimchanok, vermicelli, Boy Pisanu, Ornapha Krisadee, Khemupsorn Sirisukha,Piya Savetpikui ,Sunny Suwanmethanont ព្រមទាំងតារាប្រុសស្រីជាច្រើនថែមទៀតដែលមិនបានរៀបរាប់ឈ្មោះ៕