ជីវិតកម្សាន្ដ
អ្នកនិពន្ធ សុន រដ្ឋា ប្រតិកម្មឆ្លើយតបអតីតបេក្ខភាព Cambodian Idol ឈិន រ័ត្ន
បន្ទាប់ពីមានការចុះផ្សាយ និងចែករំលែកនូវព័ត៌មានដ៏រសើប ជុំវិញអតីតបេក្ខភាពលេចធ្លោ Cambodian idol លោក ឈិន រ័ត្ន បានធ្លាក់ខ្លួនទៅបញ្ចូលហ្គាសនៅឯស្រុកកំណើត ព្រោះគ្មានទីផ្សារច្រៀង ព្រមទាំងអស់សង្ឃឹមចំពោះការសន្យារបស់អ្នកនិពន្ធទំនុកច្រៀងល្បីឈ្មោះម្នាក់នោះ បានធ្វើឲ្យមហាជន និងអ្នកគាំទ្រចាប់អារម្មណ៍ ហើយភ្ញាក់ផ្អើលជាថ្មី។
យោងតាមការចុះផ្សាយដំណឹងនោះ បានលើកឡើងដូច្នេះថា អតីតបេក្ខភាពលេចធ្លោ Cambodian Idol រដូវកាលទី ៤ ឈិន រ័ត្ន ធ្លាក់ខ្លួនមកបញ្ចូលហ្គាសលក់ ក្រោយរង់ចាំការសន្យារបស់អ្នកនិពន្ធល្បីឈ្មោះម្នាក់ ដូចកាប់បំពង់រង់ចាំទឹកភ្លៀង។ ក្នុងនោះដែរ ក៏មានការរៀបរាប់ថា លោក ឈិន រ័ត្ន ពិតមានក្ដីអស់សង្ឃឹមខ្លាំងទៅលើអ្នកនិពន្ធរូបនោះ ព្រោះការនិយាយកាលពីមុន គឺគ្រាន់ជាសន្យាខ្យល់ប៉ុណ្ណោះ។
បើតាមសម្ដីរបស់អតីតបេក្ខជន លោក ឈិន រ័ត្ន ដែលបានផ្ដល់កិច្ចសម្ភាសន៍ជាមួយអ្នកសារព័ត៌មាន លោកបានបញ្ជាក់ថា មកទល់ពេលនេះលោកពុំមានកម្មវិធីណាមួយគេហៅទៅច្រៀងទេ ពោលចាប់តាំងពីប្រឡងធ្លាក់មកម្ល៉េះ។ ចំណែកសំនួរថាកន្លងមកធ្លាប់ឮថាមានគេចង់និពន្ធចម្រៀងឲ្យច្រៀងបានល្បី? ត្រូវបាន ឈិន រ័ត្ន និយាយថា អត់ទាន់មានទេ ពោលគឺធ្លាប់តែឃើញព័ត៌មានគេចុះផ្សាយដែរ ប៉ុន្តែរហូតមកដល់ពេលនេះគ្មានសោះតែម្ដង។
ឈិន រ័ត្ន បន្តទៀតថា ពិបាកដែរពេលខ្លះគេចេះតែថាឲ្យផុតតែពីមាត់ទៅ បើគេចង់ជួយយើងមែន គឺគេជួយហើយ។ ម្យ៉ាងទៀតបើគេមិនជួយក៏មិនដឹងធ្វើម៉េចដែរ មានតែមកបញ្ចូលហ្គាសដដែល។
ក្រោយមានការចែករំលែកព័ត៌មានខាងលើនេះ ភ្លាមៗនោះគេឃើញអ្នកនិពន្ធវ័យក្មេងម្នាក់ដែលនិពន្ធបទប្រចាំខ្លួនឲ្យតារាចម្រៀង អនុស្សាវរីយ៍ គឺ លោក សុន រដ្ឋា បានប្រតិកម្មជុំវិញការលើកឡើងរបស់ ឈិន រ័ត្ន។
លោក សុន រដ្ឋា ដែលទំនងជាអ្នកធ្លាប់ប្រកាសធ្វើបទចម្រៀងឲ្យបេក្ខជន ឈិន រ័ត្ន បានប្រតិកម្មឆ្លើយតបថា នេះជាការសម្ដែង។ លោកថា ប្អូនមិនបើកដៃ ក៏គេមិនផ្សាយដែរ (វីដេអូសម្ដែង) មុនបងជួយ ប្អូនមានដែលជួយខ្លួនឯងទេ? បងមិនឆ្ងល់ទេហេតុអ្វីក្រុមហ៊ុនតូច-ធំ មិនលើក មិនជួយប្អូន។
លោកបន្ថែមថា បងជួយអ្នកចម្រៀងពីរបីនាក់ជោគជ័យ ពួកគាត់ឆ្លងកាត់បទពិសោធន៍បែបណា ប្អូនដឹងទេ? បងឈប់និយាយវែងឆ្ងាយ ព្រោះមិនចង់ឲ្យតែម៕
អត្ថបទ ៖ ចាន់រ៉ា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ