តួចិត្តអាក្រក់ក្នុងរឿង “The Glory” សម្រក់ទឹកភ្នែកពេលកំពុងសម្ភាសន៍

តារា​សម្ដែង Lim Ji Yeon តួចិត្តអាក្រក់ក្នុងរឿង “The Glory” ស្រក់​ទឹក​ភ្នែក​ពេល​កំពុង​ពេល​សម្ភាសន៍ជាមួយអ្នកសារព័ត៌មាន ក្រោយភាពយន្តរបស់នាងទើបបញ្ចាំងចប់ថ្មីៗនេះ។

នៅក្នុងបទសម្ភាសន៍ជាមួយ Wikitree តារាស្រី Lim Ji Yeon ដែលដើរតួជា Park Yeon Jin ក្នុងខ្សែភាពយន្តភាគរឿង “The Glory” ស្រាប់តែបង្ហូរទឹកភ្នែកនិយាយពីអារម្មណ៍រំភើបដែលមានអ្នកស្គាល់យ៉ាងច្រើន បន្ទាប់រឿងបញ្ចប់ការចាក់ផ្សាយ។

Lim Ji Yeon និយាយថា “ខ្ញុំ​មិន​ដែល​ដឹង​ថា នឹងមានមនុស្ស​ជា​ច្រើន​​និយាយពី​ឈ្មោះ Yeon Jin នោះទេ។ ខ្ញុំពិតជាមានមោទកភាពខ្លួនឯង និងអរគុណដល់អ្នកគាំទ្រទាំងអស់។ អ្នក​គ្រប់​គ្នា​នៅ​លើ​បណ្ដាញ​សង្គម នាំគ្នាហៅ​ខ្ញុំ​ថា Yeon Jin ដែលវាធ្វើឱ្យខ្ញុំរំភើបខ្លាំងណាស់” ។ បន្ទាប់ពោលប៉ុន្មានឃ្លាននេះ Lim Ji Yeon ស្រាប់តែស្រក់ទឹកភ្នែកតែម្ដង ព្រោះនាងពិតជាមិននឹកស្មានថា ប្រជាប្រិយភាពរបស់នាងកើនឡើងដល់ម្ល៉ឹងឡើយ។

បន្ថែមពីលើនេះ Ji Yeon បន្តទាំងទឹកភ្នែកទៀតថា កន្លងមកនាងមិនគិតថាការសម្ដែងចរិតតួ Yeon Jin ធ្វើឱ្យនាងមានគេស្គាល់ច្រើននោះទេ។ នាងថា “គ្រួសាររបស់ខ្ញុំ និងមិត្តភក្តិជិតស្និទ្ធប្រាប់ថា ពួកគេយំក្រោយមើលរឿង “The Glory” ព្រោះ​តែ​ពួកគេ​សប្បាយ​ចិត្ត​ជំនួស​ខ្ញុំ” ។

គួរបញ្ជាក់ នៅក្នុងរឿង “The Glory” តារាសម្ដែង Lim Ji Yeon ដើរតួជា Yeon Jin ដែលបានគំរាមសម្លុត និងធ្វើបាបតួឯកស្រី Moon Dong Eun កាលនៅវិទ្យាល័យ។ ការធ្វើបាបរបស់តួចិត្តអាក្រក់រូបនេះ បានធ្វើឱ្យតួឯកស្រីចងគំនុំដល់ទៅ ១៨ឆ្នាំ និងតាមសងសឹក រហូតដល់ចុងក្រោយ Yeon Jin បានបាត់បង់អ្វីទាំងអស់ និងរស់នៅក្នុងគុកទាំងវិប្បដិសារី៕

ប្រែសម្រួល៖ សន្យា

ចុចអាន៖ Cha Joo Young លាតត្រដាងការពិតនៃឈុតឆាកស្រាតននលគកក្នុងរឿង “The Glory”

ចុចអាន៖ Song Hye Kyo និង Song Joong Ki ម្នាក់ណារកចំណូលច្រើនជាងគេ ក្នុងភាពយន្តកំពុងល្បី?