Cha Joo Young លាតត្រដាងការពិតនៃឈុតឆាកស្រាតននលគកក្នុងរឿង “The Glory”

តារាសម្តែង Cha Joo Young បានលាតត្រដាងការពិតនៃឈុតអាក្រាតកាយរបស់នាងនៅក្នុងរឿង “The Glory” រដូវកាលទី ២ របស់ Netflix ដែលបានបង្កឲ្យមានការភ្ញាក់ផ្អើល និងចម្រូងចម្រាសជាខ្លាំង ។

ទន្ទឹមនោះ អ្នកទស្សនា និងអ្នកគាំទ្រជាច្រើននៃភាពយន្ត The Glory ភាគ ២ ដែលបានចេញផ្សាយកាលពីថ្ងៃទី១០ ខែមីនា ក៏បានទន្ទឹងរង់ចាំជាយូរណាស់មកហើយផងដែរថាតើខ្សែភាពយន្តនេះនឹងបញ្ចប់ដោយរបៀបណា បន្ទាប់ពីបានមើលឈុតអាក្រាតកាយរបស់នាង Cha Joo Young ដែលសម្ដែងជាតួអង្គ Choi Hye Jung ។

ពាក់ព័ន្ធនឹងឈុតឆាកស្រាតននលគកនេះដែរ តារាសម្ដែង Cha Joo Young បានបញ្ជាក់នៅក្នុងបទសម្ភាសន៍មួយកាលពីពេលថ្មីៗនេះថា ឈុតអាក្រាតកាយរបស់នាង គឺជាការកាត់ ត ។ នាងបានពន្យល់ថា “រាងកាយស្រាតននលគកដែលមនុស្សជាច្រើនបានមើលឃើញនោះ គឺក្រុមការងារបានប្រើប្រាស់បច្ចេកវិទ្យាក្រាហ្វិកកាត់ ត ដែលមើលទៅដូចជារាងកាយពិតៗរបស់នាង” ។

ប៉ុន្តែទោះជាយ៉ាងណា ទស្សនិកជនជឿជាក់ថា តារាស្រីរូបនេះពិតជាអាក្រាតកាយសម្រាប់ឈុតឆាកស្រើបស្រាលដែលមាននៅក្នុងខ្សែភាពយន្ត The Glory នេះប្រាកដមែន ៕

ប្រែសម្រួល ៖ នាងតូច

ចុចអាន ៖ BTS ទំនងជាមិនត្រលប់ជួបជុំក្រុមវិញទេ ក្រោយបញ្ចប់កាតព្វកិច្ចយោធានៅឆ្នាំ ២០២៥