ជីវិតកម្សាន្ដ

Song Hye Kyo និង Song Joong Ki ម្នាក់ណារកចំណូលច្រើនជាងគេ ក្នុងភាពយន្តកំពុងល្បី?

បានផុស

១ year មុន

នៅ

ថ្ងៃចន្ទ ១៣ មីនា ២០២៣

ដោយ

រឿង The Glory2 ដែលជារឿងភាគសងសឹកបង្ហូរឈាមធំបំផុតនៅក្នុងប្រទេសកូរ៉េខាងត្បូង សម្តែងដោយ Song Hye Kyo កំពុងទទួលបានភាពល្បីល្បាញខ្លាំងនិងលេចឮថា ភាពយន្តមួយនេះរកចំណូលបានកកប់ក្ដោងផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកកាលពីពេលថ្មីៗនេះ អត្រាដែល Song Hye Kyo ទទួលបានសម្រាប់ការសម្ដែងក្នុងរឿងមុននេះ ត្រូវលាតត្រដាងដោយមានព័ត៌មានពីអ្នកយកព័ត៌មាន Ahn Jin Young របស់ Munhwa Ilbo ថា នាងរកបាន ២០០លានវ៉ុន (ប្រហែល ១៦៣,០០០ដុល្លារ) ក្នុងមួយវគ្គ ១៦នៃរឿងភាគ។ ចំនួននេះស្មើនឹងជាមធ្យមក្នុងមួយភាគដែលទទួលបានដោយតារាស្រីម្នាក់ទៀតនៅក្នុងឧស្សាហកម្មនេះគឺ Jun Ji Hyun។

ទោះបីជា The Glory គឺជាជោគជ័យដ៏ធំធេងក៏ដោយអ្នកយកព័ត៌មាន Ahn Ji Young បានកត់សម្គាល់ថា កម្រិតប្រាក់ខែរបស់នាងនៅតែតិចជាងអតីតស្វាមី ខណៈ Song Joong Ki ដែលសម្តែងក្នុងរឿង “Reborn Rich” ក្នុងឆ្នាំ ២០២២ ទទួលបាន ៣០០ លានវ៉ុនក្នុងមួយវគ្គ។ នេះគឺជាតម្លៃខ្ពស់ជាងការលេងឲ្យភាពយន្តមុនរបស់គាត់គឺ “Vincenzo” ២០០ លានវ៉ុនក្នុងមួយវគ្គ។

ទោះជាយ៉ាងណាក៏ដោយ ដោយផ្អែកលើភាពជោគជ័យរបស់ The Glory និងការឆ្លើយតបជាវិជ្ជមានពីរដូវកាលទី២ ដែលទើបនឹងចេញផ្សាយថ្មីៗនេះ គេរំពឹងថាប្រាក់ចំណូលរបស់ Song Hye Kyo អាចនឹងកើនឡើងនៅពេលអនាគត ដោយសារការជឿជាក់ថ្មីរបស់នាងក្នុងការលេងតួនាទីដ៏លំបាកបំផុត៕