ជីវិតកម្សាន្ដ

មុនធ្លាយចចាមអារ៉ាម តារាជើងចាស់ Pin ធ្លាប់បែកគ្នាជាមួយស្វាមីដល់ ទៅ ៣ ដង

បានផុស

៣ ខែ មុន

នៅ

ថ្ងៃពុធ ២២ មីនា ២០២៣

ដោយ

បន្ទាប់ពីលេចធ្លាយនៅពាក្យចចាមអារ៉ាម ដែលធ្វើឲ្យកក្រើកវិស័យកម្សាន្តសិល្បៈថាគូស្នេហ៍ទសវត្សរ៍ទី ៩០ បានសម្រេចលែងលះគ្នា អ្នកនិយមលេងអ៊ីនធឺណេតផ្ដោតសំខាន់ជាងគេលើគូស្នេហ៍របស់ Jetrin Wattanasin និង Pin kejmanee ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលជាមួយគ្នានោះដែរ តារាសម្ដែងជើងចាស់ Pin kejmanee តែងតែបង្ហោះសារនិងរូបភាពនៅលើបណ្ដាញសង្គមក្នុងន័យទុក្ខសោក ឬសម្រង់ស្នេហាចាក់ដោតដូចជាមានបញ្ហារង្គោះរង្គើក្នុងមែកធាងគ្រួសារអស់ពេលជាយូរមកហើយ។ ទោះយ៉ាងណាត្រលប់ទៅឆ្នាំ ២០១៨ Pin បានចូលរួមក្នុងកម្មវិធី Talking Show ហើយបានលាតត្រដាងពីជីវិតស្នេហាបានបែកគ្នាជាមួយ Jetrin ដល់ទៅ៣ដងមុនរៀបការ និងស្គាល់គ្នាតាំងពីអាយុប្រហែល ២០ឆ្នាំឯណោះ។

ថ្លែងក្នុងបទសម្ភាន៍គូស្នេហ៍រូបនេះបានប្រាប់ថាតាមពិតពួកគេបែកគ្នាមិនតិចដងទេមុនសម្រេចចិត្តរៀបការសាងសុភមង្គល។ តារាសម្ដែង Pin បាននិយាយថាស្វាមីជាមនុស្សពូកែប្រចណ្ឌ ប៉ុន្តែគាត់ក៏ជ្រើសរើសភេទដែលប្រច័ណ្ឌដែរ ប្រុសៗមិនប្រច័ណ្ឌទេ គាត់ច្រណែនតែប្រភេទ Tomboy ព្រោះគាត់ដឹងថាគ្មានបុរសណាហ៊ានរញ៉េរញ៉ៃជាមួយភរិយាទេ។ ដោយសារខ្ញុំមានប្តីនិងកូនរួចហើយ ក្រៅពីនេះខ្ញុំមិនដែលមានទំនាក់ទំនងជិតស្និទ្ធជាមួយបុរសនោះទេ។

អ្នកម្ដាយកូនបីបន្ថែមទៀតថា ពួកគេធ្លាប់បែកគ្នា៣ដងដោយសារតែជួបបញ្ហាធំមួយចូលមកក្នុងគ្រួសារ “នៅពេលដែលមានព្យុះធំមួយនេះគឺជាបញ្ហាចម្បង។ ពេលនោះគាត់បានទៅក្រៅប្រទេស ហើយទៅដើរលេង បន្ទាប់មកមានព័ត៌ថាគាត់បានគេងបន្ទប់រួមជាមួយមិត្តរួមក្រុមចម្រៀងដែលធ្វើឲ្យខ្ញុំខឹងណាស់”។

យ៉ាងណាមិញកាលពីពេលថ្មីៗនេះគូស្នេហ៍ចាស់វស្សា J-Pin បានវិលមករកពាក្យចចាមអារ៉ាមម្ដងទៀត ដោយលើកនេះមានពួកគេបានសម្រេចលែងលះគ្នារួចហើយ។ មូលហេតុដែលបែកគ្នាគឺដោយសារតែមានដៃទីបីដូចសព្វដង ខណៈនារីម្នាក់នោះជាមនុស្សល្បីកាលពីអាយុ៤ឆ្នាំ។ ប៉ុន្តែទស្សនិកជននៅតែរង់ចាំការបកស្រាយពីមាត់របស់ពួកគេថាពិតឬមិនពិតប៉ុណ្ណោះ៕