សង្សារ Mario ចេញមុខការពារនារីក្នុងឃ្លិប ក្រោយធ្លាយដំណឹងថា ជាជនទី៣គូស្នេហ៍ Jetrin-Pin

នៅលើបណ្ដាញសង្គមថៃគូស្នេហ៍ចាស់វស្សា Jetrin Wattanasin និង Pin kejmanee កំពុងក្លាយជា​គោលដៅ​ថា ​ពួកគេបានសម្រចចិត្តលែងលះគ្នាហើយ ស្របពេលនេះ​កំពុងលេចឮ​ព័ត៌មាន​បណ្ដាល​មកពី​ជនទី៣ចូលមក។

យ៉ាងណាមិញ​ក្នុង​ពិភព​ប្រព័ន្ធ​ផ្សព្វផ្សាយ​សង្គម​ ស្ត្រី​ជា​គ្រូបង្រៀន​រាំ​ម្នាក់កំពុង​ត្រូវ​បាន​គេ​កំណត់​គោលដៅថានាងគីជាជនទី៣ ដែលចូលមកជ្រៀតជ្រែក​គ្រួសារគេ ខណៈអ្នកខ្លះចោទនាងថាជាស្រីថ្មីរបស់តារាចម្រៀង Jetrin ថែមទៀត។ ទោះយ៉ាងណា​ ក្នុង​នោះ Junji Janjira ដែលមិត្ត​ស្រី​របស់ Mario Maurer បាន​ចេញ​មុខ​បញ្ចេញ​មតិ​ថា “អត់​ទេ គាត់​មាន​មិត្តប្រុស​ហើយ!” ដោយមានអ្នកបញ្ចេញមតិមួយចំនួនចូលមកស្របនឹងមិត្តស្រី Mario ដូចគ្នាថាមិនមែនជាការពិតឡើយ។

ត្បិតថាកំពុងលេចចចាមអារ៉ាមអារាមពាសពេញអ៉ិនធើណេត​ ប៉ុន្តែគេមិនទាន់ឃើញគូស្នេហ៍ Jetrin-Pin​ ចេញមកនិយាយឬបកស្រាយថានេះគឺជាការពិតឬយ៉ាងណានោះទេ។ ជាមួយគ្នានេះដែរ មហាជនហាក់កំពុងសង្ស័យថាពួកគេអាចនឹងលែងលះពិត ព្រោះជារឿយៗអ្នកម្ដាយកូន Pin​ តែងតែបង្ហោះសារប្លែកៗនិងមានស្នាមសាក់លើដងខ្លួនថាត្រូវស្រលាញ់ខ្លួនឯង​៕

ប្រែសម្រួល៖ សាង ស្រីល័ក្ខ

ចុចអាន៖ក្រោយធ្លាយដំណឹងលែងលះគ្នា តារាស្រីចាស់វស្សា Pin បង្ហោះសារមួយ អត្ថន័យស៊ីជម្រៅខ្លាំង

ចុចអាន៖Bella Ranee ក្លាយជាទូតសុឆន្ទៈឲ្យប្រេនលំដាប់ ពិភពលោក Fendi