ជីវិតកម្សាន្ដ

ក្រោយធ្លាយដំណឹងលែងលះគ្នា តារាស្រីចាស់វស្សា Pin បង្ហោះសារមួយ អត្ថន័យស៊ីជម្រៅខ្លាំង

បានផុស

៣ ខែ មុន

នៅ

ថ្ងៃអង្គារ ២១ មីនា ២០២៣

ដោយ

មិត្តរួមសិល្បៈថៃនិងអ្នកគាំទ្រជាច្រើនបានចូលទៅបញ្ចេញមតិលើកទឹកចិត្តពេញបណ្ដាញសង្គម Instagram បន្ទាប់ពីមានពាក្យចចាមអារ៉ាមថា ប្តីប្រពន្ធតារាចម្រៀងទសវត្សរ៍ទី ៩០ មួយគូ បានសម្រចចិត្តលែងលះគ្នា ក្រោយមានជនទី៣ជ្រៀតជ្រែកស្នេហាពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលនោះដែរ អ្នកលេងអ៉ិនធើណេតជាច្រើនក៏បានផ្ដោតលើគូស្នេហ៍ចាស់វស្សាតារាសម្ដែង Pin kejmanee និងស្វាមីដែលជាតារាចម្រៀង Jetrin Wattanasin ច្បាស់ៗថា ពួកគេពិតជាបានដាក់ពាក្យលែងលះគ្នាស្ងាត់ៗមែនហើយ។

យ៉ាងណាមិញ អ្នកម្ដាយកូន៣ គឺតារាសម្ដែងជើងចាស់ Pin ស្រាប់តែបង្ហោះសារមួយតាមរយៈ Instagram Story ជាមួយនឹងខ្លឹមសារដែលបានសរសេរថា “ប្រសិនបើគាត់ពិតជាស្រឡាញ់យើង អ្វីដែលធ្វើឲ្យយើងមិនស្រួល គាត់មិនធ្វើទេ ប៉ុន្តែបើគាត់ធ្វើគឺមកពីគាត់ស្រឡាញ់តែខ្លួនឯង”។

ទោះជាយ៉ាងនេះក្តី ទាំង Pin និងស្វាមី Jetrin មិនទាន់មានបុគ្គលណាម្នាក់ ចេញមុខបកស្រាយឬផ្ដល់បទសម្ភាសន៍ពីបញ្ហាដែលកំពុងផ្ទុះពេញបណ្ដាញសង្គមថៃនោះទេ ខណៈមហាជនជាច្រើនផ្ដោតលើគូស្នេហ៍ចាស់វស្សានេះពិតៗ ហើយក្នុងនោះក៏មានអ្នកបញ្ចេញមតិថា តើមួយណាជាការពិតឬក្លែងក្លាយ ឬត្រូវរង់ចាំស្តាប់សម្ដីពីអ្នកទាំងពីរល្អជាង៕