ជីវិតកម្សាន្ដ

នីរតនា ម្ចាស់បទ «កូនក្រមុំបងគ្រាន់តែជាមនុស្សធម្មតា»ចាត់ទុកពិធីមង្គលការគ្មានអ្វីអស្ចារ្យទៅវិញ

បានផុស

៥ years មុន

នៅ

ថ្ងៃចន្ទ ១៨ មករា ២០២១

ដោយ

លោក នី រតនា បានធ្វើការបង្ហោះចែករំលែកនៅលើបណ្តាញសង្គមហ្វេសប៊ុកថ្មីៗនេះ បានធ្វើឲ្យមហាជន និងអ្នកគាំទ្រចាប់អារម្មណ៍ខ្លាំងហើយមានចម្ងល់គ្រប់គ្នាបន្ទាប់ពីលោកចាត់ទុកថាការរៀបអាពាហ៍ពិពាហ៍គ្មានអ្វីសំខាន់នោះទេ។

តាមរយៈអត្ថន័យមួយឃ្លាដែលត្រូវបានតារាចម្រៀងវ័យក្មេង នី រតនា បង្ហោះនេះដែរ បានកំពុងធ្វើឲ្យអ្នកគាំទ្រចង់ដឹងគ្រប់គ្នា។ ឆ្លើយតបនឹងការលើកឡើងនេះ សាមីខ្លួនលោក នី រតនា បានបញ្ជាក់ថា ចំពោះន័យដែលថា ការរៀបអាពាហ៍ពិពាហ៍គ្មានអ្វីអស្ចារ្យនោះទេ តែអ្វីដែលអស្ចារ្យនោះគឺការថែរក្សាចំណងអាពាហ៍ពិពាហ៍ឲ្យបានគង់វង្សស្ថិតស្ថេរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងលោក នី រតនា បានបន្តថា អត្ថន័យនេះធ្វើឡើងគ្រាន់តែអបអរខួប២ឆ្នាំនៃអាពាហ៍ពិពាហ៍ រវាងលោកនិងភរិយាប៉ុណ្ណោះ។ លោកថាHa ppy 2 years anniversary my love រីករាយថ្ងៃខួបអាពាហ៍ពិពាហ៍គម្រប់២ឆ្នាំរបស់យើង ហើយក៏ជិតដល់ថ្ងៃខួបគម្រប់មួយឆ្នាំរបស់ព្រះនាងតូចដែលជាចំណងដៃដ៏មានន័យ និងមិនអាចកាត់ថ្លៃបានរបស់យើងដែរ។

អរគុណអូននិងកូនដែលចូលមកក្នុងជីវិតបង ហើយសាងគ្រួសារដ៏មានសុភមង្គលជាមួយគ្នា បងមានក្តីសុខខ្លាំងបំផុតដែលមានអូនជាភរិយា។

ការបកស្រាយរបស់លោក នី រតនា ខាងលើនេះទើបធ្វើឲ្យមហាជនបានយល់ច្បាស់ពីអត្ថន័យនេះខណៈការលើកឡើងនោះក៏មានការសាទរយ៉ាងច្រើនពីសំណាក់មហាជនផងដែរ៕

អត្ថបទ ៖ ចាន់រ៉ា