ជីវិតកម្សាន្ដ

មិនត្រឹមជាប់ឈាមជ័រអ្នកសិល្បៈទេ អ៊ូ ម៉ីនាង ក៏ចង់ឲ្យវិស័យនេះរីកចម្រើននៅថ្ងៃមុខ

បានផុស

៥ years មុន

នៅ

ថ្ងៃពុធ ២០ មករា ២០២១

ដោយ

ដោយសារជាប់ខ្សែលោហិតឈាមជ័រពីអ្នកសិល្បៈ ដែលមានកញ្ញា នី មុនីនាថ ជាបងប្អូនបានធ្វើឲ្យ អ៊ូ ម៉ីនាង មានសន្ទុះចិត្តចង់ក្លាយជាតារាសំដែងដ៏ល្បីល្បាញម្នាក់ ដូចរៀមច្បង ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ូ ម៉ីនាង ចូលប្រឡូកសិល្បៈរយៈពេលបីឆ្នាំហើយ ដោយសារតែនិស្ស័យស្រឡាញ់សិល្បៈនិងមានដុងពីកំណើត បានធ្វើឲ្យកញ្ញាម្នាក់នេះ កំពុងឈានទៅរកភាពល្បីល្បាញ នឹងកំពុងប្រឡូកក្នុងវិស័យសិល្បៈនិងថតភាពយន្តឲ្យផលិតកម្មមួយចំនួនទៀតផង។ ទោះជាកំពុងជាប់រវល់ ក្នុងការសិក្សាយ៉ាងណា តែនាងក៏បានឆ្លៀតឱកាស និងចំណាយពេលវេលាខ្លះ ដើម្បីទៅហាត់រៀនសិល្បៈបន្ថែមទៀត ដែលជាជំនាញផ្ទាល់ខ្លួន ដើម្បីបង្អួតពិភពលោកឲ្យស្គាល់ពីតម្លៃនៃវប្បធម៌របស់ខ្មែរឲ្យបានទូលំទូលាយថា ខ្មែរយើងក៏មានការរីកចម្រើន ផ្នែកវប្បធម៌និងវិស័យសិល្បៈ ផងដែរ។

ទោះជាយ៉ាងណា អ៊ូ ម៉ីនាង មានទេពកោសល្យពីធម្មជាតិស្រាប់ ទើបបានធ្វើឲ្យកញ្ញាម្នាក់នេះ ឆក់យកឱកាសក្នុងការសំដែងភាពយន្តហើយ តែងតែមានការកោតសរសើរមិនដាច់ពីមាត់ទៀតផង។ ជាពិសេសពីម្ចាស់ផលិតករនិងចាងហ្វាងផលិតកម្ម បានឲ្យចូលរួមថតភាពយន្តជាបន្តបន្ទាប់។ នាងបានរៀបរាប់ថា កន្លងមកខ្ញុំថតភាពយន្តបាន៣រឿងមកហើយ ដែលមានរឿងមួយដែលខ្ញុំចាប់អារម្មណ៍ជាងគេ ព្រោះវាជារឿងអប់រំ គឺរឿង(កំហុសអ្នកណា) ដែលបញ្ជាក់ពីជ្រុងម្ខាងនៃសង្គម ដែលខ្ញុំត្រូវសម្ដែងជាតួកូន ត្រូវម្ដាយចុងវាយធ្វើបាប បែរឪពុកបង្កើតរបស់ខ្ញុំវិញ គាត់គិតតែពីផឹកស្រា។ តែក្រោយមកឪពុករបស់ខ្ញុំ គាត់បានខ្វល់ខ្វាយពីខ្ញុំ ដែលបានរត់ចេញពីផ្ទះហើយថ្ងៃមួយឪពុករបស់ខ្ញុំគាត់ភ្ញាក់ខ្លួន ព្រោះឃើញខ្ញុំនៅតាមកញ្ចក់ទូរទស្សន៍មានសមត្ថភាពក្នុងការកែច្នៃខោអាវ នៅក្នុងរោងចក្រមួយ ហើយក៏បានកែប្រែចារឹកឪពុករបស់ខ្ញុំឲ្យឈប់ផឹកស្រា ផងដែរ។ ក្រៅពីនោះខ្ញុំថតបាន២រឿងទៀត គឺរឿង (បំណុលឈាមឪពុក) និងរឿង(គ្រូចិញ្ចឹមខ្មោច)។ ទោះជាយ៉ាង អ៊ូ ម៉ីនាង ចង់ក្លាយជាតារាល្បីល្បាញម្នាក់នៅថ្ងៃអនាគត ទើបនាងសង្ឃឹមថា នឹងធ្វើអ្វីៗឲ្យមានន័យ ដើម្បីជួយអភិវឌ្ឍសង្គមសិល្បៈឲ្យរុងរឿងជាពិសេស ជួយដល់កុមារជំនាន់ក្រោយឲ្យស្គាល់ពីតម្លៃវប្បធម៌ខ្មែរ និងជួយបង្ហាត់បង្រៀនឲ្យយល់ដឹងពីអត្ថន័យសិល្បៈទៀតផង។

អ៊ូ ម៉ីនាង កំពុងក្លាយជាតារា ដែលមានសមត្ថភាពដ៏ត្រចះត្រចង់។ នាងប្រាប់ទៀតថា នាងមិនបោះបង់ការសិក្សាឡើយ ទាំងការសិក្សានិងសិល្បៈត្រូវដើរទន្ទឹមគ្នា សព្វថ្ងៃនាងកំពុងសិក្សានៅសាលាចំណេះដឹងទូទៅនៅសាលា(អារីហ្សូន)ផ្នែកភាសាខ្មែរ និងអង់គ្លេសបន្ថែម។ ដោយឡែកនាងក៏កំពុងសិក្សានៅសាលារដ្ឋថ្នាក់ទី១០ ផងដែរ។ អ៊ូ ម៉ីនាង អាយុ១៦ឆ្នាំ មានស្រុកកំណើតនៅភ្នំពេញ ដោយសារជាប់សាច់សារលោហិតអ្នកសិល្បៈផងនោះ នាងសន្យាថា នឹងប្រឹងប្រែងឲ្យអស់ពីសមត្ថភាព ដើម្បីវប្បធម៌សិល្បៈខ្មែរ៕

អត្ថបទ៖ រុងរឿង

សូមចុចអាន៖ ខាត់ សុឃឹម ដាក់ប៉ុន្មានឃ្លា លើអ្នកមានសញ្ញាប័ត្រធ្វើឲ្យអ្នកគាំទ្រភ្លឺភ្នែក

Related Topics:តារាសម្ដែងខ្មែរ អ៊ូ ម៉ីនាង

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា