ជីវិតកម្សាន្ដ

ប៉ូលិសថា តារាស្រី Ice រួចផុតពីការចោទប្រកាន់រឿងទិញសាធាតុ Cyanide ហើយ

បានផុស

៣១ នាទី មុន

នៅ

ថ្ងៃចន្ទ ៨ ឧសភា ២០២៣

ដោយ

អគ្គស្នងការរងនគរបាលជាតិ លោកឧត្ដមសេនីយ៍ទោ Surachate Hakparn បាននិយាយកាលពីថ្ងៃអាទិត្យថា គ្មានការចោទប្រកាន់ណាមួយលើតារាសម្តែងស្រី Ice preechaya ទេ បន្ទាប់ពីនាងត្រូវគេដឹងថាទិញថ្នាំពុល Cyanide ដែលជាសារធាតុហាមឃាត់ក្នុងប្រទេស។

កាលពីថ្ងៃសុក្រ ប៉ូលិសបានចេញដីកាកោះហៅតារាស្រីរូបនេះ និងមនុស្សប្រហែល ១០០ នាក់ផ្សេងទៀត ដែលបានទិញថ្នាំពុលពីរោងចក្រដែលមានមូលដ្ឋាននៅសង្កាត់ Lat Krabang ទីក្រុងបាងកក ខណៈសារធាតុ Cyanide ត្រូវបានគេរាយការណ៍ថា មកពីក្រុមដូចគ្នានឹងឃាតក Sararat ឬ Am ដែលបានសម្លាប់មនុស្សកក្រើកប្រទេសថៃកន្លងមក។

ទោះយ៉ាងណាក៏ដោយ តារាស្រី Ice preechaya បាននិយាយនៅក្នុងបទសម្ភាសន៍មួយកាលពីសប្ដាហ៍មុនថា នាងបានទិញ Cyanide មួយដបតាមអ៊ីនធឺណិត ដើម្បីសម្លាប់សត្វល្មូនផ្សេងៗនៅក្នុងប្រឡាយក្បែរផ្ទះ ព្រោះខ្លាចពួកវាធ្វើបាបឆ្កែរបស់នាងប៉ុណ្ណោះ ។ តារាស្រីរូបនេះក៏បានអះអាងទៀតថា នាងមិនទាន់បានប្រើសារធាតុនោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប៉ូលិស Surachate បានបន្តថា អ្នកស៊ើបអង្កេតមិនបានរកឃើញភស្តុតាងដែលបង្ហាញថា តារាស្រីល្មើសច្បាប់ណាមួយឡើយ។ លោកបានបន្ថែមថា បរិមាណសារធាតុដែលនាងបានទិញមានចំនួនតិច ប៉ុន្តែមន្ត្រីជំនាញត្រូវសាកសួរពីមូលហេតុទិញ និងមកពីណា តាមតម្រូវការរបស់ច្បាប់៕