Lisa វៀតណាម ត្រូវគេថាឲ្យចំៗរឿងយកតម្រាប់តាមក្រុម BLACKPINK ពេក

អ្នករាំស្រី CiiN ឈ្មោះពិត Bui Thao Ly មានអ្នក Follow ជាង ១០ លាននាក់នៅលើ TikTok ដែលល្បីល្បាញដោយសារទេពកោសល្យរាំដ៏អស្ចារ្យ និង​ឃ្លិប Cover ជាច្រើនដែលទទួល​បានការ​ចាប់អារម្មណ៍​ពីសំណាក់អ្នកគាំទ្រក្នុងស្រុក និងក្រៅស្រុក។ នាង​ត្រូវ​បាន​គេ​ដាក់​រហស្សនាម​​ថា “Lisa វៀតណាម” ដោយសារ​រូបរាង​ស្រដៀង​គ្នា​នឹង​សមាជិក​ក្រុម BLACKPINK។

កាលពីថ្មីៗនេះនៅក្នុងកម្មវិធីទូរទស្សន៍ CiiN បានសារភាពថា នាងមិនមានចេតនាធ្វើ​តាម​នរណា​ម្នាក់ ឬ​យកតម្រាប់តាម ដើម្បីឲ្យ​មនុស្សអាចភ្ជាប់ខ្លួននាងជាមួយនឹង​រហស្សនាម​ថា Lisa វៀតណាម។ Bui Thao Ly ថា​​ ពេល​ដែល​ idol មាន​អ្វី​ដែល​ល្អ​ និង​ស័ក្ដិសម​សម្រាប់​នាង​នោះ​ដើរតាម​ក្រោយ។ ដំបូងឡើយ នាងក៏សប្បាយចិត្តដែលត្រូវបានគេហៅថា Lisa វៀតណាម​ ប៉ុន្តែនៅ​ពេលដែល​សហគមន៍​អនឡាញ​បន្តបង្កើតប្រធានបទនៃការពិភាក្សានោះ នាងមាន​អារម្មណ៍​រំខាន និង​មិនស្រួល​ចិត្តនោះទេ។

នាង CiiN បាននិយាយថា “សហគមន៍អនឡាញតែងតែស្តីបន្ទោសខ្ញុំដោយ​អយុត្តិធម៌ ដោយនិយាយថាខ្ញុំមានចេតនា​មើលទៅដូច​អ្នកដ៏ទៃ ដែលត្រូវបានគេហៅថា Lisa វៀតណាម ។ ដំបូង​ឡើយ ការហៅ​ដោយ​ឈ្មោះ​ដែល​ទាក់ទង​នឹង​រូប​អាយដល គឺជារឿងសប្បាយ ប៉ុន្តែមនុស្សមាន​ទំនោរ​ដាក់​ស្លាក​វា ហើយធ្វើវាលើស។ ខ្ញុំ​គ្រាន់​តែចង់និយាយថា នៅពេលដែល idol របស់ខ្ញុំល្អ ហើយអភិវឌ្ឍក្នុងទិសដៅល្អ ខ្ញុំក៏ចង់​ទៅ​ក្នុង​ទិសដៅ​នៃការ​កែលំអ​ខ្លួនឯង​ឲ្យ​កាន់តែប្រសើរឡើង ប៉ុន្តែខ្ញុំមិនងាកទៅរកអ្នកណា ឬយក​តម្រាប់​អ្នកណានោះទេ។ គ្រាន់តែខ្ញុំយល់ថា​វា​ស័ក្ដិសម​នឹង​ខ្ញុំ វា​ធ្វើឲ្យ​ខ្ញុំ​កាន់តែ​ស្អាត ខ្ញុំ​ធ្វើតាម​វា ប៉ុន្តែ​ខ្ញុំ​មិន​ចង់​ធ្វើ​ដូច​អ្នក​ដទៃ​ទេ​”​។

ទោះយ៉ាងណាក៏ដោយ ពេលខ្លះ​អ្នកគាំទ្រ​មិន​លើកលែង​ការ​ប្រមាថចំពោះនាងនោះទេ ដោយអ្នកខ្លះ​ប្រាប់​នាង​ថា​ ​កុំ​ព្យាយាម​យក​តម្រាប់ Lisa ។ ចំពោះការយល់ឃើញផ្ទុយគ្នាទាំងនេះ Bui Thao Ly បានឆ្លើយតបយ៉ាងក្លាហានថា នាងមិនចូលចិត្តប្រៀបធៀបជាមួយអ្នកណានោះទេ។ នាងគោរព​ Lisa ហើយមានសិទ្ធិរស់នៅ​តាមចំណូលចិត្តរបស់​នាង៕

ប្រែសម្រួល៖ សាង ស្រីល័ក្ខ

ចុចអាន៖IU ថើបថ្ពាល់ Mai Davika ជាអំណោយ ខណៈអ្នកទាំងពីរមានថ្ងៃកំណើតក្នុងថ្ងៃតែមួយ