ជីវិតកម្សាន្ដ
ឆ្លងកាត់រឿងរ៉ាវជាច្រើន ! យក់ ឋិតរដ្ឋា សង្ឃឹមថាជីវិតអាចរឹងមាំប្រសើរឡើងវិញ
អ្នកនាង យក់ ឋិតរដ្ឋា ដែលជាតារាចម្រៀងចាស់វស្សាមានឈ្មោះល្បីយូរឆ្នាំមកហើយនោះ គេកត់សម្គាល់ថា មួយរយៈពេលមុននេះ នាងហាក់ជួបនូវរឿងរ៉ាវព្យុះភ្លៀងបោកបក់មកលើជីវិត និងគ្រួសារ ជាបន្តបន្ទាប់។ បញ្ហានោះបានធ្វើឲ្យនាង និងស្វាមី មានការមិនសប្បាយចិត្តឡើយ។
ជាការពិតណាស់ រឿងរ៉ាវទាំងនោះបានកើតឡើងមានភាពបន្តកន្ទុយស្ទើរតែធ្វើឲ្យតារាចម្រៀងអ្នកនាង យក់ ឋិតរដ្ឋា បាក់ទឹកចិត្តម្តងៗទៅហើយ។ ប៉ុន្តែដោយសារមានការគាំទ្រពីមហាជន ហើយ ក៏មានស្វាមីដ៏ល្អនៅក្បែរតែងលើកទឹកចិត្ត និងការពាររាល់កិត្តិយសប្រពន្ធថែមទៀត ទើបធ្វើឲ្យ យក់ ឋិតរដ្ឋា មានកម្លាំងចិត្តដើម្បីតតាំងជាមួយបញ្ហាទាំងនេះដោយមិនចុះចាញ់ឡើយ។
បន្ទាប់ពីឆ្លងកាត់រឿងរ៉ាវទាំងនោះ អ្នកនាង យក់ ឋិតរដ្ឋា បានបង្ហាញក្តីសង្ឃឹមថា ជីវិតអាចរឹងមាំប្រសើរឡើងវិញ ក្រោយឆ្លងកាត់រឿងរ៉ាវជាច្រើន។ អ្នកនាងបានលើកឡើងថា «មួយរយៈនេះ ខ្ញុំពិតជាជួបរឿងរ៉ាវជាច្រើន តែខ្ញុំសង្ឃឹមថា តទៅមុខទៀត ខ្ញុំនឹងរឹងមាំជាងនេះ ហើយអ្វីៗ នឹងប្រសើរឡើង សូមអរគុណសម្រាប់ការស្រលាញ់របស់បងប្អូនទាំងអស់គ្នា បើទោះបីជា រដ្ឋា ក្លាយជាអ្វី ក៏នៅតែគាំទ្រខ្ញុំរហូត»។
តារាចម្រៀងជើងចាស់អ្នកនាង យក់ ឋិតរដ្ឋា កន្លងមកត្រូវបានគេចាំថា បន្ទាប់ពីនាងសាងឈ្មោះល្បីលើវិថីសិល្បៈមួយរយៈមកនោះ តារាស្រីរូបនេះ ក៏បានដកខ្លួនចេញពីអាជីពចម្រៀងជាច្រើនឆ្នាំ ដោយទៅសម្ងំបើកអាជីពរកស៊ីផ្ទាល់ខ្លួនស្ទើរភ្លេចសិល្បៈទៅហើយ។ ប៉ុន្តែយ៉ាងណាមិញ ក្រោយរសាត់ឆ្ងាយពីសិល្បៈអស់មួយសន្ទុះធំ អ្នកនាង យក់ ឋិតរដ្ឋា ក៏លេចវត្តមានឡើងវិញជាមួយការប្រកាសវិលចូលវិស័យចម្រៀងដែលខ្លួនធ្លាប់បោះបង់យូរឆ្នាំកន្លងទៅហើយ។ ទន្ទឹមគ្នានោះដែរ យក់ ឋិតរដ្ឋា ក៏បានស្នើដល់មហាជន បន្តជួយផ្ដល់ជាកម្លាំងចិត្ត និងគាំទ្រវត្តមានរបស់នាង តាមរយៈឆាកតន្ត្រី ឬបទចម្រៀងថ្មីៗ ខ្លួនផងដែរ៕
អត្ថបទ ៖ ចាន់រ៉ា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ