Lisa ប្រាប់មូលហេតុដែលយកសម្លៀកបំពាក់ថៃ បង្ហាញក្នុងវីដេអូចម្រៀង Lalisa

ប្រិយមិត្តនិយមតាមដានវិស័យ K-pop ច្បាស់ជាធ្លាប់ស្ដាប់ និងទស្សនារួចហើយនូវវីដេអូចម្រៀង Lalisa របស់តារារ៉េប Lalisa Manobal ដែលបានចេញផ្សាយ កំលុងខែកញ្ញា ឆ្នាំ២០២១ ដែលបទចម្រៀងមួយនេះទទួលបានការពេញនិយមយ៉ាងខ្លាំងពីហ្វេនទូទាំងពិភពលោក។

ទន្ទឹមនឹងភាពល្បីល្បាញ អ្វីដែលធ្វើឱ្យប្រិយមិត្តកម្ពុជា ក៏ដូចជាហ្វេនៗថៃផ្ទុះការគាំទ្រ និងវែកញែកយ៉ាងខ្លាំង គឺ MV បទនេះបានបង្ហាញនូវ Background ប្រាសាទបុរាណ និងសម្លៀកបំពាក់ប្រពៃណីថៃមួយឈុតផងដែរ។

ជុំវិញមតិចម្រូងចម្រាស់របស់អ្នកគាំទ្រកន្លងមក Lalisa ពុំមានបញ្ចេញប្រតិកម្មអ្វីឡើយ ឬសូម្បីប្រាប់ពីមូលហេតុអ្វីបន្តិច ពីក្រោយការផលិត MV នេះ។  ទើបតែថ្មីៗនេះទេ ថ្លែងនៅក្នុងបទសម្ភាសន៍ជាមួយកម្មវិធី TrueID នាងទម្លាយរឿងពិតដែលនាងជ្រើសរើសបង្ហាញរូបប្រាសាទ និងសម្លៀកបំពាក់ប្រពៃណីថា នាងពិតជាមានក្ដីរំភើបស្ទើរស្រក់ទឹកភ្នែក ពេលមានឱកាសបង្ហាញរូបប្រាសាទភ្នំរូង និងឈុតបុរាណថៃទៅកាន់ពិភពលោក។ នាងពិតជាមានមោទកភាព ដែលបានស្លៀកពាក់ឈុតថៃ នៅក្នុង MV របស់នាង ហើយនាងចង់ធ្វើឱ្យពិភពលោកទាំងមូលមើលឃើញវប្បធម៌ថៃតាមរយៈនាង៕

ប្រែសម្រួល៖ សន្យា

ចុចអាន៖ ខ្សែ ក ដែល Lisa ពាក់ម្សិលមិញ តម្លៃជិត ៤០លានដុល្លារ

ចុចអាន៖ ភស្តុតាងថ្មីបង្ហាញថា Rosé ពិតជាមានទំនាក់ទំនងស្នេហាជាមួយ Kang Dong Won