ព័ត៌មានអន្ដរជាតិ

នៅថៃកំពុងផ្ទុះព័ត៌មាន Lisa បរិច្ចាគលុយដល់មូលនិធិ Jom Phalang ភ្ជាប់គេហទំព័រអាសអាភាស

បានផុស

៩ ខែ មុន

នៅ

ថ្ងៃចន្ទ ២៧ តុលា ២០២៥

ដោយ

នៅលើគេហទំព័រហ្វេសបុកក្រុម Kan Jom Phalang កាលពីថ្ងៃ២៦ តុលា បានធ្វើការផ្សព្វផ្សាយព័ត៌មានមួយដោយអះអាងថា Lisa សមាជិកក្រុម Blackpink បានប្រកាសបរិច្ចាគប្រាក់ចំនួន ៣ លានបាតដល់មូលនិធិ Kan Jom Phalang ដើម្បីជួយប្រយុទ្ធប្រឆាំងនឹងមេរោគ រួមជាមួយនឹងតម្រូវឲ្យភ្ចាប់តំណភ្ជាប់ទៅកាន់គេហទំព័រអាសអាភាស។

**អ្នកស្រី Rukchanok Srinork (រូបភាព៖thethaiger)**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណា កាលពីពេលថ្មីៗនេះ អ្នកស្រី Rukchanok Srinork សមាជិកសភាដែលមកពីគណបក្ស People’s Party បានចេញមុខបង្ហោះសារមួយនៅលើហ្វេសប៊ុកដោយលើកឡើងពីបញ្ហានេះថា «ជារឿងឆ្កួតបំផុត! ពួកគេកំពុងចែករំលែកព័ត៌មានក្លែងក្លាយច្រើនណាស់ ទោះបីជាតំណភ្ជាប់ទៅកាន់ព័ត៌មាននោះជាគេហទំព័រអាសអាភាសក៏ដោយ»។

មិនតែប៉ុណ្ណោះ សមាជិកសភារូបនេះថែមទាំងជំរុញឲ្យក្រសួងសេដ្ឋកិច្ចឌីជីថល និងសង្គមចាត់វិធានការលើក្រុម Jom Phalang ភ្លាមៗ ខណៈដែលប្រជាជនថៃជាច្រើនបានសម្រុកចែករំលែកដោយជឿថាវាជាការពិត។ ក្រៅពីចែករំលែក អ្នកផ្សេងទៀតកំពុងបង្ហោះព័ត៌មាននៅលើទំព័រហ្វេសប៊ុករបស់ពួកគេផ្ទាល់ ដោយជឿថាវាជាការពិត។

ស្រ្តីវ័យ៣១ឆ្នាំរូបនេះបានបន្តប្រកាសតាមរយៈហ្វេសបុកផ្ទាល់ខ្លួន ដោយដាក់បន្ទុកទៅកាន់មន្ត្រីយោធា ដែលផ្សព្វផ្សាយព័ត៌មានក្លែងក្លាយ និងមន្ត្រីគណបក្សនយោបាយដែលផ្សព្វផ្សាយព័ត៌មានទាំំងនោះដើម្បីបង្កើនប្រជាប្រិយភាពរបស់ពួកគេ ដែលបានបង្កគ្រោះថ្នាក់ដលប្រជាជនថៃ។ នាងក៏បានចោទសួរទៅកាន់មជ្ឈមណ្ឌលប្រឆាំងព័ត៌មានក្លែងក្លាយរបស់ក្រសួងសេដ្ឋកិច្ចឌីជីថលមានតួនាទីអ្វី ប្រសិនបើពួកគេអនុញ្ញាតឲ្យព័ត៌មានក្លែងក្លាយរាលដាល និងប៉ះពាល់ដល់ការវិនិច្ឆ័យរបស់ប្រជាជនដល់កម្រិតនេះ?

ទោះជាយ៉ាងណា រឿងរ៉ាវមូលនិធិរបស់បុគ្គល Jom Phalang នាពេលនេះកំពុងតែផុងជ្រៅទៅៗក្រោមហេតុផលគ្រោងប្ដូរផ្លាស់មូលនិធិផ្សេង ហាក់ចង់ប្រមូលលុយចេញពីមូលនិធិ ឬមិនចងឲ្យពាក់ព័ន្ធ។ យ៉ាងណាមិញ មូលនិធិបុគ្គលរូបនេះក៏កំពុងរងការស៊ើបអង្កេត ពាក់ព័ន្ធនឹងលុយជំនួយពីសប្បុរសជនយកទៅប្រើខុសច្បាប់។ ដំបូងឡើយ គេដាក់ការស្មានថា អាចភាពស្រដៀងទៅនឹងអ្នកនយោបាយប្រើសម្រាប់លាងលុយកខ្វក់ ឬការគេចពន្ធ ដែលគេមិនទាន់អាចសន្មតបានឡើយ៕