តារាចម្រៀង និងសម្ដែងកូរ៉េ Chung Lim ទទួលមរណភាពក្នុងវ័យ ៣៧ឆ្នាំ

តារា​ចម្រៀង និង​ជា​តារា​សម្ដែងកូរ៉េខាងត្បូងលោក Chung Lim ឬទស្សនិកជននិយមហៅឈ្មោះក្រៅ​ថា Han Chung Lim បាន​ទទួល​មរណភាព ​ក្នុង​អាយុ ៣៧ឆ្នាំ បន្ទាប់ពីប្រយុទ្ធនឹងជំងឺមហារីកអស់មួយរយៈពេលខ្លី។

នៅថ្ងៃទី២០ ខែកក្កដា ប្រព័ន្ធផ្សព្វផ្សាយ Koreaboo បានរាយការណ៍ថា លោក Chung Lim ដែលមានជំងឺមហារីកពោះវៀនធំ បានទទួលមរណភាពហើយ កាលពីថ្ងៃទី១៩ ខែកក្កដា ឆ្នាំ២០២៣។

កើតនៅឆ្នាំ១៩៨៦ លោក Chung Lim បានសិក្សាផ្នែករបាំកូរ៉េនៅសាកលវិទ្យាល័យសិល្បៈជាតិកូរ៉េ ហើយបានបង្ហាញខ្លួនក្នុងពិពភពកម្សាន្តកំលុងនៅឆ្នាំ២០០៤ ជាមួយនឹងភាពយន្តភាគរឿង “I’m Sorry, I Love You” ។ បន្ទាប់ពីនោះលោកធ្លាប់សម្តែងក្នុងរឿង “Dream” ឆ្នាំ២០០៩ និងបានបង្ហាញខ្លួនជាពិសេសនៅក្នុងរឿង “Smile, Mom ឆ្នាំ២០១០។ ក្រៅពីសម្ដែង Chung Lim ក៏ជាតារាចម្រៀងមួយរូប ដោយកាលពីឆ្នាំ២០០៩  លោកបានចេញបទដំបូងរបស់ខ្លួនគឺបទ “STEP” ។

នៅឆ្នាំ២០២១ លោកបានរៀបការ ដោយឈប់ពីសិល្បៈ ហើយធ្វើការជាអ្នកតំណាងលក់ឱ្យក្រុមហ៊ុនម៉ូតូមួយ។ ចំពោះអត្តចរិតរបស់អតីតតារាប្រុសរូបនេះ ត្រូវបានគេស្គាល់ដែរថា លោកជាម​នុស្សស្លូតត្រង់ ចូលចិត្តញញឹម និងពូកែយកទុកដាក់ជាមួយអ្នកដទៃ។

ជាអកុសលលោកបានវិច្ឆ័យឃើញកើតជំងឺមហារីកពោះវៀនធំ ហើយបានទទួល​មរណទៅកាលពីម្សិលមិញ ចំណែកពិធីបុណ្យសពបាននិងកំពុងប្រាព្ធនៅផ្ទះសាច់ញាតិរបស់លោក៕

ប្រែសម្រួល៖ សន្យា

ចុចអាន៖ អ្នកគាំទ្រអស់សំណើច ក្រោយរូបភាព Jin ស្លៀកពាក់ឯកសណ្ឋានយោធាអាចជួយសង្គ្រោះនារីម្នាក់ពីចោរប្លន់