អ្នកគាំទ្រអស់សំណើច ក្រោយរូបភាព Jin ស្លៀកពាក់ឯកសណ្ឋានយោធាអាចជួយសង្គ្រោះនារីម្នាក់ពីចោរប្លន់

អាចថាវាជារឿងគួរឱ្យសំណើចបន្តិច និងមិនគួរឱ្យជឿ ក្រោយសារព័ត៌មានប្រេស៊ីលមួយរាយការណ៍ថា រូបភាពស្ថិតក្នុងឯកសណ្ឋានយោធារបស់តារាសម្រៀង Jin សមាជិកក្រុម BTS បានជួយសង្គ្រោះនារីម្នាក់ឱ្យរួចផុតពីចោរប្លន់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី១៨ ខែកក្កដា ឆ្នាំ២០២៣ ប្រព័ន្ធផ្សព្វផ្សាយប្រេស៊ីល RIC Mais បានឱ្យដឹងថា កាលពីដើមខែកន្លងទៅ នាង Natali Vitoria Ramos Reis អាយុ ២១ឆ្នាំ ដែលរស់នៅក្នុងទីក្រុង Paranas ប្រទេសប្រេស៊ីល បានចេញក្រៅផ្ទះរហូតដល់យប់ជ្រៅ ហើយបានជួបហេតុការណ៍ចោរប្លន់ នៅចំណតឡានក្រុងមួយ។

យោងតាមសម្ដីនារីរូបនោះ និយាយថា ចោរបានកញ្ឆក់ទូរសព្ទរបស់នាងចេញពីដៃ ប៉ុន្តែរូបគេបានមើលទៅកាន់ស្រោមទូរសព្ទ ក៏ប្រទះឃើញរូបថត Jin ស្លៀកពាក់ឯកសណ្ឋានយោធោ។ ភ្លាមៗនោះចោរបានបោះទូរសព្ទឱ្យនាងវិញ ព្រោះគិតថា រូបភាពនៅនឹងស្រោមទូរសព្ទជាមិត្តប្រុសរបស់នាង។

Reis បានប្រាប់សារព័ត៌មាន RIC Mais ថា “គាត់ច្បាស់ជាគិតថា រូបនោះជាមិត្តប្រុសរបស់ខ្ញុំដែលកំពុងបម្រើក្នុងជួរយោធាមិនខាន” ។ ក្រោយប្រគល់ទូរសព្ទឱ្យម្ចាស់ដើម ចោរបានបោះពាក្យថា “ខ្ញុំមិនចង់បានវាទេ” ហើយរត់ចេញទៅ។ នេះបើតាមសម្ដីរបស់ Reis បានប្រាប់បន្ថែម។

បន្ទាប់ពីរឿងនេះបានចែករំលែក ​អ្នកគាំទ្រនៅក្នុងប្រទេសកូរ៉េខាងត្បូង ក៏ដូចជាអ្នកនិយមលេងអ៊ីនធឺរណិតដទៃទៀតនាំគ្នាបញ្ចេញមតិបែបកំប្លែងជាច្រើន និងបានហៅស្ថានភាពនោះថាជារឿងគួរឱ្យអស់សំណើច ខណៈ Jin ឯណោះមិនដឹងខ្លួនថាបានជួយសង្រ្គោះ ARMYs ដោយប្រយោលឡើយ៕

ប្រែសម្រួល៖ សន្យា

ចុចអាន៖ តួប្រុសរឿង “Descendants Of The Sun” ពាក់ព័ន្ធករណីឆបោកប្រាក់ជិត ៥០លានដុល្លារ