ជីវិតកម្សាន្ដ

ដួង សុខគា ហួសចិត្ត ខណៈឃើញឡានធំៗមួយចំនួនសរសេរពាក្យផ្តេសផ្តាស

បានផុស

៣ years មុន

នៅ

ថ្ងៃព្រហស្បតិ៍ ១៧ សីហា ២០២៣

ដោយ

បន្ទាប់ពីបានសង្កេតឃើញម្ចាស់ឡាន ឬ អ្នកបើកឡានៗមួយចំនួនបានសរសេរនូវពាក្យពេចន៍ហាក់មិនសូវសមរម្យ បែបជេរ ដៀល ប្រមាថ តារាប្រុសពហុជំនាញលោក ដួង សុខគា បានចេញមករិះគន់ និងសម្ដែងការមិនពេញចិត្តរាល់ការសរសេរបែបនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងលោក ដួង សុខគា បានបង្ហោះរូបភាពមួយសន្លឹកនៅលើទំព័រហ្វេសប៊ុករបស់ខ្លួនស្ទង់មតិយោបល់របស់មហាជនអ្នកគាំទ្រថា «ពិត ឬមិនពិត? តើបងប្អូនគិតបែបណា? គេសង្កេតឃើញម្ចាស់ឡានធ្វើតាមគ្នាច្រើនដែរ ពិត ឬមិនពិត?ពិសេសឡានធំៗ សរសេរផ្ដេសផ្ដាស មានពាក្យជេរផង ពាក្យដៀលផង ពិត ឬមិនពិត?»។

តារាចម្រៀងលោក ដួង សុខគា បានបន្តថា «សរសេរអក្សរខ្មែរខុសព្រោងព្រាត បើកបរផ្សព្វផ្សាយតាមទីនានា គាំទ្រឱ្យបងៗសមត្ថកិច្ចអប់រំខ្លះទេ ? បងប្អូនស្រីៗ យល់ថាសប្បាយអានដែរទេ?ក្មេងសិស្សសាលាវាស្មានតែសុភាសិតបុរាណ»។

តាមរយៈការលើកឡើងរបស់លោក ដួង សុខគា នេះ បានធ្វើឱ្យមានការបញ្ចេញមតិចំពោះ រឿងនេះផងដែរ។ “មិនមែនជាគំរូល្អទេ គួរតែមានវិធានការណ៍ , ឃើញអញ្ចឹងៗ អនិច្ចាណាស់លោកគ្រូ តទៅមុខ ១០ ឬ ២០ ឆ្នាំ ទៀតធនធានទំពាំងយើងទៅជាយ៉ាងណា។ សរសេរពាក្យខុស ជាពាក្យដែលគ្មានសីលធម៌ជាពាក្យដៀលដល់មនុស្សស្រី វាបានប៉ះពាល់ដល់មនុស្សស្រីដទៃទៀតដែលគេល្អ ទើបត្រូវ”។ នេះជាការបញ្ចេញទស្សនៈរបស់អ្នកប្រើប្រាស់បណ្ដាញសង្គម បន្ទាប់ពីការបង្ហោះរបស់លោក ដួង សុខគា ខាងលើ៕

អត្ថបទ៖ ចាន់រ៉ា