តារា​សិល្បៈ​ណាខ្លះ លេចមុខក្នុងពិធី​មង្គល​ការ Mark-Kim នៅអ៊ីតាលី

ត្បិតថាពិធីបានចប់សព្វគ្រប់ក្ដី ក៏ប៉ុន្តែរូបភាពនៃអនុសាវរីយ៍របស់គូស្នេហ៍ Mark Prin និង Kimberly​ បានធ្វើឲ្យមនុស្សជាច្រើនសាទរ ខណៈក្នុងនោះ​គេ​សង្កេត​ឃើញ​តារាល្បីៗ​ជាច្រើន​ចូលរួម​ជា​សាក្សី​ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុង​ពិធី​ដ៏មង្គលនោះដែរ​ បន្ថែម​លើ​សាច់​ញាតិ​​របស់​ភាគី​ទាំង​សង​ខាងដែលធ្វើ​ដំណើរ​ទៅ​ចូលរួមបន្ថែមក្ដី​ស្រលាញ់​របស់​គូស្នេហ៍​ថ្មីថ្មោង ក្នុងនោះ​គេ​សង្កេត​ឃើញមានតារាក្នុងអាជីពកម្សាន្តមួយ​ចំនួនជាក្រុមមិត្តជិតស្និទ្ធបានបង្ហោះពីការធ្វើដំណើរទៅអ៉ីតាលី ក្នុងពេលដែលអ្នកខ្លះទៅនាមជា​ភ្ញៀវ​សំខាន់​ខ្លះទៀត​គឺជាអ្នក​កំដរ​កូនក្រមុំ និង​កូនកំលោះ​តែម្ដង។

ចំពោះ​អ្នកដែល​ចូលរួម​អបអរសាទរ​ដល់​ស្នេហា​ដ៏​ផ្អែមល្ហែម​របស់ Mark Prin និង Kimberly ផង​ដែរ រួមមាន Nadech, Yaya, Margie, Bow Benjawan, Noey Chotika, James Ma, Rinrada Kaewbuasai​និងជា​ច្រើន​ទៀតផងដែរ។

សូម​បញ្ជាក់​ដែរ​ថា​​ពិធី​មង្គលការ​ដ៏​ផ្អែមល្ហែម​របស់គូស្នេហ៍តារាស្រី Mark-Prin Suparat និង Kimberly Ann Voltemus ​បាន​ប្រារព្ធ​ឡើង​យ៉ាង​អធិកអធម នៅបឹង Lake Como ប្រទេសអ៊ីតាលី កាលពីថ្ងៃទី១៤ ខែកញ្ញា ឆ្នាំ២០២៣ កន្លងទៅ៕

ប្រែសម្រួល៖ សាង ស្រីល័ក្ខ

ចុចអាន៖ទស្សនាទិដ្ឋភាពអាពាហ៍ពិពាហ៍​ដ៏​រ៉ូមែនទិក Mark-Kim ដូចរឿងប្រលោមលោក