ទស្សនាទិដ្ឋភាពអាពាហ៍ពិពាហ៍​ដ៏​រ៉ូមែនទិក Mark-Kim ដូចរឿងប្រលោមលោក

អាពាហ៍ពិពាហ៍​ដ៏​រ៉ូមែនទិក របស់គូស្នេហ៍តារាសម្ដែង Kimberly Ann Voltemas និង Mark-Prin Suparat បានរៀបចំនៅអ៊ីតាលី នៅកណ្តាលបឹង Como ដែល​ត្រូវ​បាន​គេ​ស្គាល់ថា ទឹកដី​នៃ​មនោសញ្ចេតនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្របពេលនៅក្នុងបរិយាកាសក្នុងពិធី ពោរពេញទៅដោយក្លិនក្រអូបនៃក្តីស្រលាញ់របស់ Mark-Kim រួមទាំង​សមាជិកគ្រួសារ សាច់ញាតិ និងមិត្តភក្តិជិតស្និទ្ធដែលបានមក​ធ្វើជាសាក្សីនៃក្តីស្រលាញ់​របស់​អ្នកទាំងពីរ។

លើសពីនេះទៀតដែរ Kimberly បានបង្ហាញខ្លួនក្នុងឈុតអាពាហ៍ពិពាហ៍ពណ៌សសុទ្ធដូចព្រះនាងក្នុងរឿងនិទាន ខណៈ Mark Prin មកក្នុងឈុតពណ៌សជាមួយខោពណ៌ខ្មៅ​ មើលទៅគួរឲ្យទាក់ទាញខ្លាំងបំផុត។ ក្នុងនោះគេឃើញ អ្នកទាំងពីរដើរ​កាន់​ដៃ​គ្នា​ដើរ​លើ​ផ្លូវ​ដែល​ក្រាលដោយ​ផ្កា​រយស្រទាប់ ធ្វើឲ្យសកម្មភាពនេះដូចក្នុងរឿងប្រលោមលោកពិតៗ។

ទន្ទឹមនោះដែរ គូស្នេហ៍ដែលទើបនឹងរៀបការថ្មីថ្មោងនេះត្រូវបានទស្សនិកជននិងបណ្ដាអ្នកគាំទ្រជាច្រើនសម្រុកចូលទៅបញ្ជេញមតិជូនពរឲ្យអ្នកទាំងពីរស្រលាញ់គ្នាតរាងទៅ រហូតដល់ចាស់កោងខ្នង។ ជាពិសេស សូមឲ្យគូនេះក្លាយជាគូមួយដែលមានសុភមង្គលបំផុតផងដែរ៕

ប្រែសម្រួល៖ សាង ស្រីល័ក្ខ

ចុចអាន៖ស្នេហាពិតរបស់ Mark-Kimberly ផ្ដើមពីមិត្តភ័ក្តិ ទៅជាដៃគូជីវិត